नीजि विद्यालयहरुको परीक्षा स्थगित

जनकपुरधाम, २३ पुस ।
मौसम परिवर्तनसँगै तराई मधेसमा बढदै गएको अत्यधिक शितलहरका कारण नीजि विद्यालयहरुको परीक्षा स्थगित गरिएको छ ।

धनुषाका समुदायिक विद्यालयहरुले माघ १ गतेसम्मको लागि जाडो विदा घोषणा गरेपनि नीजि विद्यालयहरुले भने कक्षा सँचालन गर्दै आएका थिए ।
प्याबसन धनुषाका अध्यक्ष विश्वालाल सिँहले जनाए अनुसार, तराई मधेस सहित धनुषामा अत्यधिक चिसो बढेकोले बालबालिकाहरुको स्वास्थ्यलाई मध्यनजर गर्दै ३ दिनको लागि परीक्षा स्थगित गरिएको छ ।

भोली सोमबार देखि बुधबारसम्म परीक्षा स्थगित गर्ने प्याबसन र एनप्याबसन धनुषाको सँयुक्त सहमति जनाएको छ ।

मौसममा देखिएको प्रतिकुलताका कारण पुस २४,२५ र २६ गतेको लागि परीक्षा स्थगित गर्ने निर्णय गरिएको सिँहले न्युज ब्युरोलाई जनाए ।
२७ गतेदेििख पुनः परीक्षा साबिककै समयमा सँचालन हुने समेत सिँहले थपे ।

अत्यधिक चिसो बढेसँगै स्कुले बालबालिकाहरुलाई विद्यालय जान कठिनाई भएको देखिएको छ ।