सिरहामा एकै गाउँका १६ जनालाई स्यालले टोक्यो, ४ गम्भीर !

न्यूज ब्यूरो, सिरहा । सिरहाको लहान नगरपालिकामा बौलाएको स्यालले आतंक मच्चाएको छ । वडा नम्बर ४ स्थित मंगलवार गाउँका १६ जनालाई स्यालले टोकेको छ ।

सिरहा र सप्तरीको सिमाना पर्ने बलान खोलाको शिशुगारीबाट निस्केको बौलाएको स्यालले लहान नगरपालीका ४ कुमहालटोल मा १६ जनालाई टोकेपछि गाउँ आतंकित भएको छ । एका बिहानै गाउँका महिला र पुरुषहरूले सौचका लागी घर बाहिर निस्केको व्यक्तिहरुलाई स्यालले टोकेको स्थानीयहरुले बताएका छन् ।

गाईते हुनेमा ७० वर्षिय रामबालक पण्डित, ४५ वर्षिय सोनाई मेस्तर, ५ वर्षिय रेहान, ५५ वर्षिय गुलाब देबि महतो रहेका छन् । उनीहरुको अवस्था गम्भीर रहेको बताइएको छ । यस्तै संन्जु देबि महतो, प्रदीप महतो, सुरज कुमार दास, नन्दनी मेस्तर, रबिना कुमारी मेस्तर, संजीव कुमार दास लगायतका व्यक्तिहरु समान्य घाइते भएको वाडाध्यक्ष रामनाथ पण्डितले बताए ।

ईलाका प्रहरी कार्यालय लहानका डिएसपी भेश राज रिजाल र सशस्त्र क्यामप लहानका सशस्त्रका डिएसपी अर्जुण साप्कोटा सूचना पाए लगत्तै घटना स्थल पुगेका थिए । घाइते सबै जनाको लहान अस्पतालमा उपचार भइरहेको जनाइएको छ ।