धनुषामा वडाध्यक्षकै छोराले कुटेपछि एक युवक गम्भिर  !

न्यूज ब्यूरो, जनकपुरधाम । धनुषाको कमला नगरपालिकाका एक वडाध्यक्षका छोराले कुटपिट गरी एक युवकलाई घाईते बनाएको छ ।

कमला नगरपालिका वडा नं. ३ का पर्सा बस्ने स्थानीय धनेश्वर यादवका २५ बर्षिय छोरा विमलेश यादवलाई कुटपिट गर्दा गम्भिर घाईते भएको ईलाका प्रहरी कार्यालय खजुरीले जनाएको छ । पुरानो रिसवीका कारण गाउँमा स्थानीय विशेश्वर यादवका छोरा रामा यादवले उनलाई कुटपिट गरी घाईते बनाएको नााम नखोल्ने शर्तमा एक स्थानीयले बताए । उनका अनुसार विमलेसलाई संवेदनशिल अंगहरुमा मुक्का प्रहार गरी घाईते बनाएको हो ।

घाईतेपछि उनको उपचारको लागि जनकपुर अञ्चल अस्पताल लगिएको जनाइएको छ । जानकारी अनुसार विमलेसको आँखा सहित अनुहारको विभिन्न ठाउँमा मुक्का प्रहार गरी घाईते बनाइएको हो । पटक पटक कुटपिट जस्ता विवादमा तानिदै आएका आरोपित कमला नगरपालिका वडा नं. ३ का वडाध्यक्ष विशेश्वर यादवका छोरा रहेको बताइएको छ । समाजवादी पार्टी नेपालबाट वडाध्यक्षमा निर्वाचित यादवको छोराले पुरानो रिसवईका कारण निर्घात कुटिपिट गरेको जनाइएको छ ।

अहिले घटनास्थल ईलाका प्रहरी कार्यालय खजुरीबाट प्रहरी टोली गएको बताइएको छ । यता, यस घटनाबारे वडाध्यक्ष यादवसँग सम्पर्क गर्न खोज्दा सम्पर्क हुन सकेनन् ।