काठमाडौं तीनकुने क्षेत्रमा सरसफाई अभियान थालनी

न्यूज ब्यूरो, काठमाडौं । काठमाडौं तीनकुने क्षेत्रमा सरसफाई अभियानको थालनी गरिएको छ ।

सरसफाई अभियान अन्तर्गत आज (बिहीबार) चिनियाँ राष्ट्रपति सी जिनपिङ काठमाडौं भ्रमणमा आएका बेला मोटो रकम खर्चिएर सजाइएको तीनकुने क्षेत्रमा सरसफाई गरिएको छ । सरसफाई अभियन्ता सिरहाका धिरेन्द्र साह र श्रुति सिंहसहितको एक समूहले सो क्षेत्रमा सरसफाई गरेका हुन् ।

तीनकुने सरसफाईसँगै जनचेनता अभिवृद्धिको लक्ष्यसहित थालिएको अभियान निरन्तर जारी रहने अभियन्ता श्रुति सिंहले जानकारी दिइन् । सरसफाई कार्यक्रममा विभिन्न क्षेत्रका उल्लेख्य व्यक्तिहरु सरिक भएका थिए । उनीहरुले तीनकुने क्षेत्रलाई सफा र सुन्दर राख्ने अठोट लिएका छन् ।

सिरहाका सरसफाई अभियन्ता धिरेन्द्र साह देशको विभिन्न स्थानमा सरसफाईमा सक्रिय छन् । सरसफाईमै समर्पित रहेका साहको अगुवाईमा सो क्षेत्रमा पनि सरसफाई अभियानको थालनी गरिएको हो ।