खुट्टा तान्ने प्रवृतिले उन्नति गर्न सकिँदैन : मुख्यमन्त्री राउत

न्यूज ब्यूरो, जनकपुरधाम । प्रदेश २ का मुख्यमन्त्री लालबाबु राउतले खुट्टा तान्ने प्रवृतिले समाजमा उन्नति गर्न नसकिने बताएका छन् ।

समाजवादी पार्टीले आज वीरगञ्जमा आयोजना गरेको दिपावली तथा छठ पर्वको शुभकामना अदानप्रदान कार्यक्रममा मुख्यमन्त्री राउतले सहकार्य र एकताले नै राष्ट्र विकास सम्भव हुने बताए । उनले मुलुकमा अहिले तीन तहको सरकार रहेको र तीनवटै तहमा हाल समन्वय नभएकै कारण जनताले अपेक्षा गरेअनुसार सरकारले काम गर्न नसकेको पनि बताए ।

मुख्यमन्त्री राउतले संघको प्रदेशसँग र प्रदेशको स्थानीय तहसँग समन्वय भए समृद्धिको जनअपेक्षालाई पूरा गर्न सकिने विश्वास व्यक्त गरे । उनले देश विकासको लागि विकास निर्माणमा सबैले एकजुट भएर सघाउनुपर्ने र निगरानी गर्नुपर्ने धारणासमेत राखे ।