थारु समुदायमा हातहतियार सहितको 'सराय नाच' को रमझम

न्यूज ब्यूरो, कपिलवस्तु । नेपालीहरुको महान पर्वको अवसरमा पहाडी जिल्लाहरुमा खेलिने सराय नाच पछिल्लो समय तराईका कपिलवस्तुमा समेत खेलिन थालिएको छ । जिल्लाको शिवराज नगरपालि–५, चन्द्रौटामा रहेको दुर्गा मन्दिर ब्यबस्थापना समितिको आयोजनामा सराय नाच हर्ष उल्लासका साथ शुक्रबार निकाइएको हो ।

विभिन्न समुदायको वसोवास रहेको कपिलवस्तुमा धर्म संस्कृति जर्गेना गर्नुका साथै सामाजिक सद्भाव र भाईचाराको सम्वन्ध स्थापित गर्न उद्देश्यले विगत १२ बर्ष देखी सराय खेल्दै आइएको छ । विभिन्न समुदायको वसोवास रहेको कपिलवस्तुमा सामाजिक सदभाव र भाईचाराको सम्वन्ध स्थापित गर्नको लागी सराय खेल्न सुरु गरिएको छ । बिभिन्न किसिमका खुडा, बाजा गाजा सहित भजन कृतनका साथ हात हतियार पञ्चेबाजासहित खुकुरी, तरबार र खुडा नचाई एकापसमा जोडिएर ‘बाखै हो’ भन्दै सराय नाच नाच्ने गरिन्छ ।

पहाडी जिल्लाहरुमा खेलिने सराय नाच पछिल्ला केहि वर्ष देखी तराईका जिल्लाहरु पनि खेल्ने गरिन्छ । कपिलवस्तुको चन्द्रौटामा एक दशक देखी विजया दशमीको त्रियादशिको दिन सराय नाच नाच्ने गरेको अगुवाहरु बताउँछन् । विभिन्न जिल्लाबाट बसाइसरी आएकाहरुले चन्द्रौटा क्षेत्रमा पनि पहाडी जिल्लामा जस्तै दशैंको बेला नाच्ने सराय जात्राले धार्मिक सद्भाव कायम गर्न महत्वपुर्ण भुमिका खेल्ने गरेको स्थनिय अगुवा सरोज पौडेलले बताए । पर्वको अवसरमा चन्द्रौटामा गरिने सराय जात्राले यस क्षेत्रमा बसोबास गर्ने समुदायहरुमा भाइचाराको सम्बन्ध स्थापित हुने विश्वास लिएको दुर्गा मन्दिर संरक्षण समिति अध्यक्ष तारा पौडेलले बताए ।

दुर्गा मन्दिरबाट निकालिएको सराय चन्द्रौटा बजार परिक्रमा गर्दै कृष्णनगर रोडमा रहेको कर्णेश्वरी मन्दिरमा पुगि त्यहाँबाट फुलपाती लिएर पुनः बजार परिक्रमा गर्दैे जवाई नदीमा फुलपाती सेलाउने र घटस्थापनाको दिन स्थापना गरिएको देवता दुर्गा मन्दिरमा भित्रयाइने विधि पुर्वक सराय नाच सम्पन्न भएको दुर्गा मन्दिर बयबस्थापन समितिका कोषाध्यक्ष नेत्र बेल्बासे बताए ।