सर्वदलिय उपस्थितिमा उपप्रमुख कार्कीको चियापान र शुभकामना

न्यूज ब्यूरो, जनकपुरधाम । धनुषाको जनकनन्दिनी गाउँपालिकाकी उपप्रमुख भारती कार्कीको विशेष पहलमा सर्वदलिय रुपले चियापान तथा शुभकामना आदानप्रदान कार्यक्रम सम्पन्न भएको छ ।

नेपाली काँग्रेस गाउँ ईकाई कमिटि वडा नं. ४ का आयोजनामा नेपालीहरुको चाड वडा दशैं, तिहार, छठ पर्व सहित कोजाग्रत पूर्णिमाको शुभकामना आदान प्रदान गरिएको हो । शुक्रबार सो समारोहको आयोजना गरी नेपाली काँग्रेस गाउँ ईकाइ कमिटिका सभापति मदन बहादुर कार्कीको अध्यक्षतामा भएको चियापान कार्यक्रममा उपस्थिति अतिथि तथा सहभागीहरुले शुभकामना व्यक्त गरेका थिए ।

चियापान तथा शुभकामना आदानप्रदान कार्यक्रममा सबै राजनीतिक दलको उपस्थिति सहित स्थानीय वुद्धिजीवीहरुको सहभागितामा उक्त कार्यक्रम सम्पन्न भएको जनकनन्दिनी गाउँपालिकाकी गाउँपालिका उपप्रमुख भारती कार्कीले जानकारी दिइन् । गाउँपालिकाको वडा नं. ४ खजुरी स्थित रहेको तेज पुञ्ज बोर्डिङ स्कुलको प्राङ्गणमा शुभकामना आदन प्रदान कार्यक्रमको आयोजना गरेको थियो ।

दशैं, दिपावली र छठमा सबै जातजाती, धर्मले धार्मिक सहिष्णुत कायम राखी मानवता र भाईचराको सम्बन्धलाई अझ प्रगाढ बनाउन मनोबल बढोस भन्ने कामना उपप्रमुख कार्कीले गरिन् । हर्षोल्लास र भारइचरा प्रतीक दशैं, दिपावली र छठमा सबैले आ आफ्नो तर्फबाट धार्मिक सहिष्णुता कायम राख्नको लागि पहल गर्नुपर्ने जीकिर गरिन् । कार्यक्रममा उपस्थित सुरक्षाकर्मीहरुलाई गाउँपालिकाको समग्र सुरक्षाको जिम्मेवारीलाई निष्ठापूर्वक बहनको लागि आग्रह गर्दै जिम्मेवारी बहनको लागि शक्ति प्रदान हेतु शुभकामना दिइन् ।

सो कार्यक्रममा सबै राजनीतिक दलका प्रतिनीधि, वडा नं. ४ का वडाध्यक्ष हरिचन्द्र कामत सहित विभिन्न वडाका वडाध्यक्ष, बुद्धिजीवी, जेष्ठ नागरिक, स्थानीय युवा, महिला, सुरक्षाकर्मी, मानव अधिकारकर्मी सहित विभिन्न संघसँस्थाका उपस्थित प्रतिनीधिहरुले आ आफ्ना मनतव्य राखेका थिए ।