कृषि विकास बैंक चोरी प्रकरण : ७० लाख सहित थप ३ पक्राउ

न्यूज ब्यूरो, जनकपुरधाम । कृषि विकास बैक ह्याकिङ प्रकरणमा संलग्न थप तीन जनालाई प्रहरीले पक्राउ गरेको छ ।

नेपाल प्रहरीको महानगरीय अपराध महाशाखाको टोलीले महेन्द्रनगरबाट यज्ञराज भट्ट, पर्वतबाट मालती देवी न्यौपाने र गणेश बस्याललाई पक्राउ गरेको हो । कृषि विकास बैकबाट भट्टको खातामा ४५ लाख रुपैयाँ र न्यौपानेको खातामा २४ लाख रुपैयाँ ट्रान्सफर भएको पाइएको छ ।

पक्राउ परेका तीनै जना कृषि विकासको रकम चोरीका मुख्य योजनाकार भनिएको मुम्बईमा बस्ने पिटरको एजेन्ट भएर काम गरेको महाशाखाले जनाएको छ ।

कृषि विकास बैंकको ४ करोड ७३ लाख ९३ हजार चोरी प्रकरणमा अनुसन्धान गरिरहेको महानगरीय अपराध महाशाखाले अहिलेसम्म १६ जनालाइ पक्राउ गरेको छ ।