सिरहाबाट ५ किलो गाँजासहित एकजना फन्दामा

न्यूज ब्यूरो, सिरहा । सिरहाबाट प्रतिवन्धित गाँजासहित एकजनालाई प्रहरीले पक्राउ गरेको छ ।

सिरहाको मिर्चैया नगरपालिका ५ का ५० वर्षीय रामकुमार मण्डललाई प्रतिवन्धित ५ किलो गाँजासहित प्रहरीले पक्राउ गरेको हो । विशेष सूचनाको आधारमा सादा पोशाकका प्रहरीले घरमै गएर मण्डललाई पक्राउ गरेको प्रहरीले जनाएको छ ।

घरमा गाँजा लुकाएर राखेको भन्ने सूचनाको आधारमा उनको घरमा छापा हानेपछि गाँजा भेटिएको ईलाका प्रहरी कार्यालय मिर्चैयाका डिएसपी सुकदेव खनालले बताए । मण्डललाई हिरासतमा राखी अनुसन्धान तथा कारवाही अगाडि बढाइएको जनाइएको छ ।