रौतहटमा प्रहरीले गरे १० राउण्ड फायर

न्यूज ब्यूरो, रौतहट । रौतहटमा विवाद नियन्त्रणको लागि प्रहरीले १० राउण्ड भन्दा बढी हवाय फायर गरेको छ ।

रौतहट जिल्लाको राजपुर नगरपालिका वड़ा नम्बर ६ कुडि़यामा स्थिति नियंत्रण गर्न प्रहरीले आश्रु ग्यास तथा हवाई फायर गरेका छन । हिन्दू धर्मावलम्बीहरुले छठ घाटमा छठ पूजा गर्नको निम्ती बनाएको श्रीसाप्ता (पूजन गर्ने ठाउँ) लाई मुस्लिम समुदायका केही उच्छृंगल व्यक्तिहरुले तोड़न लाग्दा भएको झड़पमा प्रहरीले १० राउण्ड भन्दा बढ़ी आसु सेल तथा हवाई फायर गरेका छन ।

एक वर्ष पहिला हिन्दू समुदायका व्यक्तिहरुले छठ घटमा निर्माण गरेका श्रीसाप्तालाई समूहमा गएका मुस्लिम समुदायका व्यक्तिहरुले तोड़न थालेपछि रोक्न गएका स्थानीय प्रहरी कार्यालयका टोली माथि प्रहार गर्न लाग्दा प्रहरी र मुस्लिम समुदाय विच झड़प भएको थियो । प्रहरीले सामुदायिक सदभाव खलवलिने कार्य नगर्न आग्रह गर्दा पनि नमाने पछि बाध्य भएर हवाई फायर गर्नु परेको इलाका प्रहरी कार्यालय राजपुर फरहदवा प्रहरी नायव निरीक्षक परमानन्द यादवले बताए ।

ज्यादती बढ़ी भएपछि प्रहरीले फायर गरेको उनको कथन रहेको छ । प्रहरीले फायर गरे पछि स्थिति सामान्य भएको जिल्ला प्रहरी कार्यालयले जनाएको छ । मुहर्रम पर्वमा ताजिया मिलान गर्ने ठाउमा श्रीसपता निर्माण गरेको भन्दै मुस्लिम समुदायले तोड़ने कार्य गरेको प्रहरीले जनाएको छ । स्थिति समय भएपनि घटना पुनः नहुने उदेश्यले सुरक्षाकर्मी परिचालन गरिएको थियो ।

मुस्लिम समुदायका व्यक्तिहरुले श्रीसाप्ता फोडेर इस्लामिक झण्डा गाडन लागेपछि तनाव उत्पन्न भएको स्थानीय सुनील साहले बताएका छन । अहिले स्थिति नियन्त्रणमा रहेको छ भने समाजिक सदभाव कायम राख्नको लागि उच्चस्तरीय प्रहरी टोलीहरु छलफलमा रहेको जनाइएको छ ।