मिर्चैया वितरण केन्द्रको लाईन भोली दिनभर अवरुद्ध रहने

न्यूज ब्यूरो, सिरहा । नेपाल विद्युत प्राधिकरण मिर्चैया वितरण केन्द्रबाट संचालित विद्युत सेवा शुक्रबार दिनभर अवरुद्ध हुने भएको छ ।

वितरण केन्द्रको पावर ट्रन्सफर्मर अपग्रेडिङ गर्नुपर्ने भएकाले विद्युत सेवा अवरुद्ध हुने भएको हो । मिर्चैया वितरण केन्द्रको सव स्टेशनमा रहेको पावर ट्रन्सफर्मर अपग्रेडिङ गर्न लागेको मिर्चैया वितरण केन्द्रका प्रमुख दिगम्बर यादवले जानकारी दिए ।

यस वितरण केन्द्रबाट प्रशारण हुँदै आएको मिर्चैया, गोलबजार, कल्याणपुर र बन्दिपुर ईलाकामा शुक्रबार विहान ५ बजेदेखि बेलुकी ५ बजेसम्म विद्युत आपूर्ति बन्द रहने शाखाले जनाएको छ ।

अपग्रेडिङ कार्य निर्धारित समयभन्दा अघि नै सम्पन्न भए पहिले नै संचालन हुने पनि जारी सूचनामा उल्लेख गरिएको छ ।