पर्यटकीय नगर धनुषाधाम ११ औं खुल्लादिशामुक्त घोषणा

न्यूज ब्यूरो, महेन्द्रनगर । धनुषा जिल्लाको ११ औं खुल्ला दिशामुक्त नगरको रुपमा धनुषाधाम नगरपालिका घोषणा गरिएको छ ।

बुधबार एक समारोहबीच धनुषाको धनुषाधाम नगरपालिकालाई जिल्लाको ११ औं खुल्ला दिशामुक्त क्षेत्र (नगर) घोषणा गरिएको हो । धार्मिक एवम् पर्यटकीय स्थलको रुपमा विकास भईरहेको धनुषाधामलाई धनुषा जिल्लाको ११ औं खुल्ला दिशामुक्त क्षेत्र घोषणा गरिएको हो । धनुषाधाम संरक्षीत वन र धनुष बाबा मन्दिरले प्रसिद्ध धनुषाधाम खुल्ला दिशामुक्त क्षेत्र घोषणा भएपछि नगर प्रमुख बालेश्वर मण्डललाई चौतर्फी बधाई दिइएको छ ।

नगर प्रमुख मण्डलको अध्यक्षता तथा जिल्ला समन्वय समितिका अध्यक्ष रामदेव यादवको प्रमुख आतिथ्यमा एक समारोहबीच खुल्ला दिशामुक्त नगरको रुपमा उदघोष गरिएको हो । नगर प्रमुख मण्डल र जिससका अध्यक्ष यादवले सँयुक्त रुपमा दीप प्रज्वलन गरी घोषणा समारोहको उदघाटन गरेका थिए । सो क्रममा प्रमुख अतिथिको आसनबाट बोल्दै प्रमुख अतिथि यादवले नगर प्रमुख मण्डललाई साहसी कदम र प्रयासको सराहना गरे ।

सो समारोहमा खुल्ला दिशामुक्त नगर घोषणा गर्नको लागि सरकारी तथा गैरसकारी संघसँस्थालाई धन्यावाद दिँदै मेयर मण्डलले अभियानीहरुई सम्मान समेत गरे । नगरलाई स्वच्छता प्रदान गर्न उनीहरुले महत्वपूर्ण भूमिका निर्वाह गरेको भन्दै उनीहरुलाई सम्मान गरिएको हो । नगरलाई खुल्ला दिशामुक्त क्षेत्र घोषणा सँगै यसलाई स्थापित गरिराख्न नगरवासीसँग आग्रह गरे ।

सो समारोहमा नगरकी उपमेयर बिधा देवि भुजेल कार्यकारी प्रमुख प्रशासकिय अधिकृत निरज श्रीवास्तव , संरक्षित वन धनुषाधाम वन अधिकृत शंकर नारायाण झा ,ईलाका प्रहरी धनुषाधाम प्रहरी निरिक्षक सुमन थापा , सशस्त्र प्रहरी बेश क्यामप र्ससा प्रहरी निरिक्षक हरि बहादुर शाही, १ देखि ९ वडाका वडाध्यक्ष वडा सदस्य वडा सचिव, नगर स्वास्थय संयोजक शैलेन्द्र यादव लगायतको उपस्थिति थियो ।

कार्यक्रमको संचालन विष्णु अधिकारीले गरेका थिए ।