महोत्तरीमा पोखरीमा डुबेर ३ वर्षीय बालकको मृत्यू

न्यूज ब्यूरो, महोत्तरी । महोत्तरीको गौशलामा पोखरीमा डुबेर एक बालकको मृत्यु भएको छ ।

मृत्यु हुनेमा गौशला नगरपालिका १ घर भएका दिलबहादुर जर्घाका ३ वर्षीय छोरा कालु भनिने सुजन जर्घा रहेका छन् । घर नजिकैको पोखरीको छेउमा शनिबार खेल्ने क्रममा डुबेर बेहोश भएका थिए ।

उनलाई उपचारका लागि बर्दिवासको शुभ स्वस्तिक अस्पताल लगिएको थियो । अस्पताल पुर्याउँदा चिकित्सकले उनलाई मृत घोषण गरेको बर्दिवास प्रहरीले जनाएको छ ।

मृतकको शवलाई पास्टमार्टमकको लागी जनकपुर अञचल अस्पताल लगिएको र घटनाको विषयमा थप अनुसन्धान भइरहेको प्रहरीले जनाएको छ ।