चोरी भएको मोटरसाईकल धनुषा प्रहरीले २ घण्टामै गरे बरामद

न्यूज ब्यूरो, जनकपुरधाम । धनुषाको विभिन्न ठाउँमा अहिले मोटरसाईकल चोरीको घटना लगभग दैनिक जस्तो भईरहेको देखिएको छ ।

सोही क्रममा गत भदौ ११ गते मात्र करिब पौने ७ बजेकै समयमा जनकपुरबाट चोरी भएको एक मोटरसाईकल प्रहरीले बरामद गरी गाडीधनीलाई बुझाएको हो । जनकपुरधाम उमहानगरपालिका वडा नं. २ वकिल टोल बस्ने स्थानीय पुष्पलाल नायकको मोटरसाईकल घरबाटै चोरी भएको थियो । उनको घरको कम्पाउण्डमा पार्किंग गरी राखिएको ज ३ प २९०९ नम्बरको मोटरसाईकल चोरी भएको थियो ।

एका साँझै मोटरसाईकल चोरी भएपछि आत्तिएका नायक तत्कालै जिल्ला प्रहरी कार्यालय धनुषामा खवर गरेको थियो । केही बेरमै एक्सनमा आएका धनुषा प्रहरीले मोटरसाईकल खोजतलास गर्दै जाँदा जनकपुरधाम उपमहानगरपालिकाको किशोरीनगरबाट उक्त मोटरसाईकल बरामद गर्न सफल भएको थियो । जिल्ला प्रहरी कार्यालय मातहतको वडा प्रहरी कार्यालय रेल्वेबाट प्रहरी नायब नीरिक्षक (सई) को कमाण्डमा खटि गएको प्रहरी टोलीले करिब १० बजेराती मोटरसाईकल बरामद गरेको थियो ।

प्रहरी एक्सनमा आएपछि चोरी गर्ने व्यक्तिले तत्कालै उक्त मोटरसाईकललाई किशोरी नगरको बाटो छेउमा बेबारिसे अवस्थामा फालेर भागेका थिए । त्यही मोटरसाईकल प्रहरीले बरामद गरी सवारी धनी नायकलाई वडा प्रहरी कार्यालय रेल्वे स्टेशन मार्फत शुक्रबार बुझाएको जनाइएको छ ।