धनुषाको मिथिला विहारी नगरपालिका अब खुला दिशामुक्त नगर

न्यूज ब्यूरो, धनुषा । धनुषाको मिथिला विहारी नगरपालिका खुला दिशामुक्त घोषणा गरिएको छ ।

एक कार्यक्रमबीच नगरपालिकालाई खुला दिशामुक्त नगरको रुपमा घोषणा गरिएको हो । यससँगै यो नगरपालिका खुला दिशामुक्त नगर बनेको छ ।

मिथिला विहारी नगरपालिकाका नगरप्रमुख अनिल यादवको अध्यक्षता एवं जिल्ला समन्वय समितिका सभापति रामदेव यादवको प्रमुख आतिथ्यमा भएको कार्यक्रमबाट नगर खुला दिशामुक्त भएको घोषणा गरिएको छ ।

कार्यक्रममा नगरकी उपमेयर अनिता साह, सबै वडाका वडाध्यक्ष, कार्यकारी अधिकृत शिवेन्द्र मण्डल, खुला दिशामुक्त नगर संयोजक राजेन्द्र प्रसाद यादव लगायतको उपस्थिति थियो ।