महोत्तरीकी २ सय ७३ छात्रालाई प्रदेश सरकारको साईकल

न्यूज ब्यूरो, महोत्तरी । प्रदेश २ सरकारको ‘बेटी पढाउ, बेटी बचाउ’ अभियान अन्तर्गत महोत्तरीमा विभिन्न चारओटा माविका छात्राहरुलाई साईकल वितरण गरिएको छ ।

प्रदेश २ का मुख्यमन्त्री लालबाबु राउतद्धारा मंगलवार महोत्तरीस्थित ४ वटा माविकी छात्रालाई २ सय ७३ वटा साईकल वितरण गरिएको हो । कक्षा ८ मा अध्ययनरत महोत्तरीको सरयुग मुनिलाल मावि सरपल्लोमा ७५, दुर्गा मावि मनरामा ४३, सार्वजनिक राष्ट्रिय मावि गैटा भेटपुरमा ५१ र महेन्द्र राष्ट्रिय मावि रामगोपालपुरमा १ सय ४ ओटा साईकल गरी २ सय ७३ छात्रालाई साईकल बाँडिएको छ ।

साईकल वितरण कार्यक्रममा मुख्यमन्त्री राउतले यसै आर्थिक वर्षमा कम्तीमा ८ ओटा सार्वजनिक विद्यालयमा अध्ययनरत दलित र मुस्लीमलाई महिनको ५ सय रुपैया दिने धोषना गरेका छन् । मुख्यमन्त्री राउतले प्रदेशमा रहेको बेटीहरुको लागि यस्ता विभिन्न प्रकारका थप कार्यक्रमहरु ल्याउने प्रतिवद्धता जनाए ।

उनले महिला र पुरुषबीच रहेका भेदभाव अन्त्य भएमात्र मुलुक समृद्ध हुने बताए । त्यस्तै, कार्यक्रममा स्वास्थ्य तथा जनसंख्या राज्यमन्त्री डा. सुरेन्द्र यादवले मधेशलाई अगाडी बडाउन महिला शिक्षामा जोड दिनुपर्ने बताए । उनले महिलालाई सशक्तिकरण गर्नुपर्ने समेत बताए ।

कार्यक्रममा आन्तरिक मामिला तथा कानुन राजयमन्त्री सरोज सिंह कुशवाहाले मुख्यमन्त्रीद्वारा सञ्चालित बेटी पठाउ, बेटी बचाउ अभियानको मुख्य उदेश्य समाजमा रहेको लैङ्किक विभेदलाई अन्त्य रहेको बताउए । उनले महिला शिक्षित नभएसम्म प्रदेश शिक्षित नहुने धारण राखे ।