पुजारी मन्दिरमै मृत फेला !

न्यूज ब्यूरो, सुनसरी । सुनसरीमा एक पूजारी मृत अवस्थामा फेला परेका छन् ।

सुनसरी जिल्लाको दुहवी नगरपालिका वडा नम्बर १ साहु टोलमा रहेको शिव मन्दिरका पुजारी मृत भेटिएका छन । मृतक सुनसरी दुहवी वडा नं. ५ का ६० बर्षीय तुलाकृष्ण चौधरी मृत अवस्थामा फेला परेको इलाका प्रहरी कार्यलय दुहवीले जनाएको छ ।

रक्षाबन्धनकै दिन आज बिहान पौने ८ बजेको समयमा उक्त मन्दिरका पुजारी मन्दिर परिसरमा नै मृत अवस्थामा भेटिएको इलाका प्रहरी कार्यलय दुहवीका इन्स्पेक्टर प्रविण कार्कीले बताए । उनले भने पुजारी मृत भेटिए ,घट्ना स्थलमा केहि छैन शरिरमा पनि केहि भेटिएको छैन ।

शव पोष्टमार्टमको लागि अस्पताल पठाईएको इलाका प्रहरी कार्यलय दुहवीका इन्स्पेक्टर कार्कीले बताए ।