धनुषामा पोखरीमा डुबेर २ जनाको मृत्यू  !

न्यूज ब्यूरो, जनकपुरधाम । पोखरीमा डुबेर धनुषाको दुई स्थानमा दुई जनाको मृत्यू भएको छ ।

धनुषाको मिथिला नगरपालिका वडा नं. ६ ढल्केबर बस्ने अन्दाजी बर्ष ५० का सुर्य प्रसाद पराजुलीको पोखरीमा डुबेर मृत्यू भएको जिल्ला प्रहरी कार्यालय धनुषाले जनाएको छ । जिल्ला प्रहरी कार्यालय धनुषाका प्रहरी प्रवक्ता रामेश्वर कार्कीका अनुसार ढल्केवर स्थित रहेको पोखरीमा पराजुली डुबेर मृत अवस्थामा स्थानीयहरुले देखेपछि प्रहरीलाई खवर गरेको थियो ।

यस्तै, धनुषाको जनकनन्दीनी गाउँपालिका वडा नं. ६ कठाल नरही टोल बस्ने राम पुकार सहनीको अन्दाजी बर्ष ७ का छोरा रवि सहनीको सार्वजनिक पोखरीमा डुबेर मृत्यू भएको ईलाका प्रहरी कार्यालय खजुरीका प्रहरी नीरिक्षक शंकर प्रसाद चौधरीले जानकारी दिए । सहनी पोखरीमा डुबेर तैरिरहेको अवस्थामा स्थानीयले देखेपछि उनको परिवारलाई जानकारी गराएको स्थानीयलाई उदृत गर्दै ईन्चार्ज चौधरीले बताए ।

पोखरीमा डुबेर बेहोस भई गम्भिर भएका सहनीको उपचारको लागि भारत विहारको जयनगर लैजाँदै गर्दा बाटोमै मृत्यू भएको प्रहरी नीरिक्षक चौधरीले न्यूज ब्यूरोलाई बताए । मृतक पराजुली र सहनीको शव पोष्टमार्टमको लागि जनकपुर अञ्चल अस्पताल ल्याइएको बताइएको छ ।