धनुषाको दिगम्बरपूरमा अष्ठजामको लागि कलशयात्रा

न्यूज ब्यूरो, महेन्दैनगर । धनुषाको दिगम्बरपुरमा अष्ठजाम पूजाको लागि एक दिने कलशयात्रा निकालिएको छ ।

धनुषाको क्षिरेश्वरनाथ नगरपालिका वडा नं. ८ दिगम्बपुर टोलमा अष्ठजाम हेतु विहान कलश यात्रा निकालिइएको थियो । आज (शुक्रबार) देखि सुरु भएको अष्ठजामलाई श्रीगणेश गर्नको लागि नजिकैको जलाधारबाट कलश यात्रा निकालिएको थियो । शोभा यात्राको रुपमा निकालिएको कलश यात्रामा उक्त गाउँकी महिलाहरुको उल्लेख्य सहभागिता रहेको थियो ।

वडा नं. ८ का वडाअध्यक्ष अशेश्वर महतोको अगुवाईमा निकालिएको कलश यात्रामा सहभागी श्रद्धालुहरुले जलादधारमा जलभरी पुनः अष्ठजाम स्थलमा कलश राखेका हुन । प्रत्येक वर्ष साउन महिनामा हुँदै आइरहेको यो कार्यक्रम यसपालि धुमधामका साथ मनाउने योजना अनुरुप वडाध्यक्ष महतोको सक्रियतामा निरन्तरता दिइएको हो । करिब ५ सय घरधुरी रहेको दिगम्वरपुरमा आफनो परमपरा कायम राख्दै ३ सय भन्दा बढी महिलाहरुले टाउकोमा कलश लिई जलभरी गरेकी हुन् ।

वडाध्यक्ष महतोले आजदेखि सुरु भएको अष्ठजाम पूजामा सहभागी साधुसन्तको लागी भण्डाराको व्यवस्था पनि गरिएको जनाइएको छ । आजदेखि ८ दिनसम्म अखण्ड रुपमा अष्ठजामलाई निरन्तरता दिइने वडाध्यक्ष महतोले बताए ।