महोत्तरी : एकको लास उँखु खेतमा भने दोस्रो पूलमा !

न्यूज ब्यूरो, जलेश्वर । महोत्तरीमा आज दुइ जना युवकको शव फेला परेको छ ।

जिल्लाको मनरा सिस्वा नगरपालिका २ इटहर्वाको नेपाल भारत दशगजा क्षेत्र भन्दा करिब ६० मिटर भित्र अन्दाजि ३० ३२ बर्षिय युवकको शव फेला परेको छ । उखु खेतमा फेला परेको युवकको निधार र टाउको मा धारिलो हत्यार प्रहार गरि हत्या गरिएको अवस्थामा युवकको शव फेला परेको छ ।

आज विहान खेतमा काम गर्न गएका बेला गाउँलेहरुले शव देखेपछि प्रहरीलाई जानकारी गराएका थिए । यता जिल्लाको सदरमुकाम जलेशवरमा पनि एक जना युवाको शव फेला परेको छ । जिल्लाको जलेशवर नगरपालिका ६ को रामदत साहको २५ बर्षिय छोरा सरोज साहको छोटका दवौली को रातो पुल निर पानिमा शव फेला परेको महोत्तरी प्रहरी ले जनाएको छ ।

मृतक साहको शरिरमा कुनै दाग नदेखिएको र शव पोस्टमार्टमका लगि जिल्ला अस्पताल जलेशवर पठाइएको छ , भने घटना समबन्धि आवशवयक अनुसन्धान भइरहेको जिल्ला प्रहरी कार्यालय महोत्तरीका प्रहरी नायब उपरिक्षक माधब प्रसाद बुढाथोकीले जानकारी दिए ।