आज श्रावणको दोस्रो सोमवारी, जनकपुरमा उत्साह

न्यूज ब्यूरो, जनकपुरधाम । साउन महिनामा मनाउने सोमवारी व्रत अन्तर्गत आज दोस्रो सोमबारी परेको छ ।

साउन महिनाको दोस्रो सोमबार परेकोले सोमवारी गर्ने व्रतालु महिला तथा युवतिहरुको भीड जनकपुर लगायत आसपासका विभिन्न शिवालयहरुमा देखिएको छ । जनकपुरको शिवचोक स्थित रहेको शिव मन्दिर, जनकचोकमा रहेको शिव मन्दिर, कपिलेश्वरनाथ कपिलेश्वर, कुवा मठ लगायत आसापासका क्षेत्रहरुमा रहेको शिवालयहरुमा विशेषत युवतिहरुको भीड लागेको छ ।

मधेश मुलका महिलाहरूले विभिन्न ठाउँमा गई थरीथरीका झारपात र फूलहरू टिपि डालाभरी सजाएर ल्याउने गर्छन् र त्यही फूलपात लिएर बिहान पल्ट नागदेवताको पूजा, भजनकिर्तन गाउने गदर्छन् । यो पर्वको अन्तिम दिन नागको विशेष पूजा गरी पूजाको विसर्जन गरिन्छ ।

सोमवारीको क्रममा धनुषाको धनुषाधाम स्थित रहेको शिवालय सहित देशैभरिका शिवालयहरुमा विहानैदेखि भीड लागेको हो । यस पर्वमा नागलाई फूल, पान अकन, बेलपत्र, जाहीजुही, निबुको पात, अम्बाको पात, मानक पात, फलफूल, मिठाई, दुध–लावा‘।आदि चढाउने चलन छ । यसरी विशेष रूपमा गरिने यो पूजालाई भक्ति भावले गरेपछि नागदेवता प्रसन्न हुन्छन् र पतिलाई दिर्धायू र घरपरिवारलाई कल्याण गर्छन् भने कुमारी महिलाहरुलाई सुन्दर र शुशिल वर पाउने मधेशी मान्यता अनुसार विश्वास रहेको छ ।