सिरहाका १३ अपाङ्गका सहारा बने राज्यमन्त्री मण्डल

न्यूज ब्यूरो, जनकपुरधाम । प्रदेश २ का उधोग, वन, पर्यटन तथा वातावरण राज्यमन्त्री सुरेश मण्डल सिरहाका अपाँगहरुको सहारा बनेर उभिएका छन् ।

राज्यमन्त्री मण्डल निर्वाचित क्षेत्र सिरहाको ४ (ख) का १३ अपाङ्गलाई आफ्नो सँसदीय विकास कोषबाट ह्वीलचेयर वितरण गरेका छन् ।रा ज्यमन्त्री मण्डलले सिरहामा आयोजित एक समारोहबीच ह्वीलचेयर वितरण गरेका हुन् । ह्वीलचेयर वितरण समारोहमा बोल्दै उनले अधिकार सँगसँगै विकास पनि जरुरी भएको बताए । उनले अधिकारको लडाइमा सबैको साथ र सहयोग आबश्यक रहेको समेत बताए ।

राज्यमन्त्री मण्डलले अपाङ्गलाई समाजमा हेर्ने दृष्टिकोण फरक भएकोले उनीहरुको आयआर्जनमा टेवा पुगोस् भन्ने उदेश्यले ह्वीलचेयर वितरण गरिएको जानकारी दिए । उनले अपाङ्गहरु अब नयाँ हातखुटट पाएको विश्वास व्यक्त गरे । बिष्णुपुर गाउँपालिका वडा नम्बर २ का अध्यक्ष राम इस्वर यादबले खुसी व्यक्त गर्दै अपाङ्गहरुलाई व्हील चेयर बितरण एउटा सराहनिय काम भएको बताए । उनले यो सङ्ग सङगै बिकासको अरु निर्माण कार्यक्रम पनि ध्यान दिन आकर्सित गराए ।

त्य्सतै राजपा पार्टीका गाउँपालिका इकाई समिति अध्यक्ष हजारी साहले पार्टीको भन्दा पनि बैचारिक लडाइको लागि तत्पर रहेको बताए । अध्यक्ष साहले हामी अपाङ्ग, निमुखा,असहायको लागि सहायक भएको बताए । गाउँपालिका अपांग संघका अध्यक्ष बिनोद यादबले अपांगको हक अधिकार सुनिश्चित गराउनुपर्ने जोड दिए ।