सिरहामा बाढीले बनाएको खाल्डोमा डुबेर एक बालिकाको मृत्यू

न्यूज ब्यूरो, सिरहा । सिरहामा बाढीले बनाएको खाल्डोमा डुबेर एक बालिकाको मृत्यू भएको छ ।

सिरहाको सिरहा नगरपालिका–३ मखनाहा चोक नजिकै वर्षा र बाढीको पानी जमेको खाल्डोमा नुहाउने क्रममा डुबेर एक बालिकाको मृत्यू भएको हो । मृत्यू हुनेमा मखनाहा निवासी मनोज दासकी ११ वर्षीया छोरी काजल दास रहेकी छिन् ।

आईतबार अपरान्ह करिब ३ बजेको समयमा घास काट्न गएकी काजलको नुहाउने क्रममा बाढीले गर्दा बनेको खाल्डोमा डुबेर मृत्यु भएको जिल्ला प्रहरी कार्यालय सिरहाका प्रवक्ता तथा डिएसपी अपिलराज बोहराले जानकरी दिए । बालिकालाई डुबेको अवस्थामा देखेपछि स्थानीयहरुले तत्कालै उद्धार गरी उनलाई मखनाहा चोक नजिकैको चन्द्र नारायण मेमोरियल अस्पतालमा लगिएको थियो ।

खाल्डोबाट उद्धार गरि अस्पताल पुर्याइएकी बालिकालाई चिकित्सकले मृत घोषणा गरेको हो । उनको शव पोष्टमार्टमका लागि जिल्ला अस्पताल सिरहा पठाइएको प्रहरीले जनाएको छ ।