सेफ द माईन्ड र सामर्थ्य नेपालद्धारा बाढी पीडितलाई राहत

न्यूज ब्यूरो, जनकपुरधाम । धनुषाका बाढी पीडितहरुलाई सेद द माइन्ड र सार्मथ्य नेपालद्धारा राहत वितरण गरिएको छ ।

चितवनमा रहेको यी दुवै संस्था एवं चितवनका सहयोगी मनहरुले धनुषाको जनकनन्दनी गाउँपालिकाको वडा नं. १ इनरुवा टोलमा रहेको दलित मुसहर वस्तीमा करिब १०० घरपरिवार बाढी पीडितहरुको घरमा आज करिब तीन लाख जतिको राहत सामग्री पुरयाएका हुन । राहत समाग्रीमा ४८ बोरा चामल , १० बोरा चिउरा , १० बोरा मुरही , सेनेटरी प्याड र करिब डेढ लाख जतिको लता कपडा वितरण गरिएको छ ।

चितवनको चर्चित सस्था सामर्थ्य नेपाल, सेभ द माइन्ड, सुनौलो समाज, भ्रष्टाचार विरुद्धको अभियान्ता केदार आचार्य लगायतको पहलमा धनुषाको जनकनन्दनि गाउँपालिकाका बाढी पीडितहरुलाई राहत वितरण गरिएको हो । सामर्थ्य नेपाल अभियानका अभियान्ता प्रकाश थापाले सोमबार मधेशमा पीडा हुदां हामी सबै मिलेर मलमपट्टि गर्नुपर्ने बताएका छन् ।

त्यस्तै सेभ द माइन्डका अभियान्ता पुजा भुषालले भनिन विपदको घडिमा धेरैले सहयोग गर्नुभएको छ उहाँहरुलाई धन्यवाद दिन चाहन्छु यसका साथै, भ्रष्टाचार विरुद्धको अभियन्ता केदार आचार्यले समाजसेवामा पनि भ्रष्टाचार मौलाएको जीकिर गर्दै भ्रष्टाचारिहरुलाई हामी सबै मिलेर कानुनि कठघरामा ल्याउनु पर्ने बताए ।

सोही क्रममा स्थानीय युवाहरूले जनकपुरबाट बाढी ग्रस्त क्षेत्रमा राहतको समानहरु पुर्याउनको लागि स्थानीय ट्रयाक्टर गाडीमा खाद्यान्न र कपडाहरु लोड गरि गाउँ सम्म पुर्याई राहत वितरणमा पुर्ण सहयोग गरेको जनकनन्दनी गाउँपालिका बस्ने ईन्द्रजित गोइतले जानकारी दिए ।

राहत लिएर २ दिन अगावै जनकपुर हुँदै बाढी प्रभावित गाउँ सम्म पुर्याउनको लागि आइरहेको समय साझ तिर अचानक जोडले पानी पर्दा बाटो खराब हुन पुगे पनि ततपश्चात् गाउँको युवाहरूको संयुक्त उपस्तिथिमा राती करिब ९ बजे तिर खजुरीको पुलिस चौकीमा समान राखिएको थियो ।

गाउँका युवाहरूले राहत लिएर गाउँमा पुरयाउँदै आईतबार सो राहतलाई त्यहाँको दलित मुसहर वस्तीमा वितरण गरेका छ्न। राहत संकलनका लागि चितवन अभियानीहरुले विभिन्न समाजिक कार्यक्रम एवं सडक नाटक गरि राहत समाग्री उठाएको थियो ।