धनुषामा अति खतरनाक डेंगु फेला

न्यूज ब्यूरो, जनकपुरधाम । प्रदेश नं. २ को धनुषा जिल्लामा डेंगुको विरामी फेला परेको छ ।

अति खतरनाक मानिने यो लक्षण धनुषाको धनुषाधाम नगरपालिका वडा नं. ७ भगवानपुरका दुई जना व्यक्तिमा फेला परेको हो । धरान स्थित विपी कोईराला स्वास्थ्य विज्ञान प्रतिष्ठानले दिएको जानकारी अनुसार दुई जनामा डेंगुको प्रभाव देखिएको हो । अस्पतालको जाँच रिपोर्ट अनुसार दुई जनामा उक्त विरामी फेला परेको हो ।

धनुषामा डेंगुको प्रभाव देखिएपछि सरोकारबालाहरुलाई होसियार तथा सक्रिय हुन आग्रह गरिएको छ । महामारीको रुपमा मानिएको डेंगुलाई समयमै रोकथाम गर्नको लागि शिघ्र नै शिविर सँचालन गरी रोकथाम गर्नुपर्ने आवश्यकता देखिएको छ । सरुवा रोग डेंगुको प्रभावका बाढीको कारण भएको हुन सक्ने अनुमान गरिएको छ ।