बाढी पीडितसँग देउवा र नीधि : 'हेलिकप्टर चार्टर छोड्नुस ,पीडितप्रती गम्भीर हुनु'

न्यूज ब्यूरो, रौतहट । बाढी पीडितहरुको अवस्था बुझ्न रौतहट आएका नेपाली काग्रेंसका सभापति तथा पूर्व प्रधानमन्त्री शेरबहादुर देउवा सरकार बाढीपीडित जनताको दुस्ख प्रती गम्भीर नभएको बताएका छन ।

बुधबार स्थलगत रुपमा पीडितको वास स्थान सम्म पुगेर स्थीतिका बारेमा जानकारी लिदै पत्रकार सङको कुराकानीमा देउवाले सरकार प्रती आक्रोश पोखेका हुन ।देउवाले सरकारको कडा आलोचना गर्दै तराई मधेश बाढीमा डुबेर पीडामा भएको बेला संसदमा सबै एजेण्डा स्थगित गरेर बाढी पीडितलाई सहयोग गर्नु पर्छ भनेर प्रस्ताव लग्दा पनि सता पक्षले संसद स्थगित गरेकोमा उनले आक्रोश पोखे। प्राकृतिक प्रकोपका बेला पनि सरकार जनता प्रति संवेदशिल नभइ हेलिकप्टर चार्टर गरि घुम्ने काम गरेको बताए ।

देशहितको बेला एकजुट हुनु पर्छ तर सरकार आफ्नै दम्भमा हिडेको छ यसले समस्या सामाधान नहुने बताए ।देउवाले बाढी प्रभावित गढीमाई नगरपालिकाको लक्ष्मीपुर, धनारी, दुर्गा भगवति गाँउपालिकाको १, २, र ५ वडा तथा सदरमुकाम गौरको स्थलगत निरिक्षण गरेका छन । भारतीय बाँधका कारण देशको भूभाग डुबि रहदा पनि सरकारको कुटनितिक पहल नभएको उनको तर्क छ ।

भारतीय बाँधका कारण रौतहट डुबानका बारेमा सरकारले जवाफ दिनु पर्ने उनले बताएका छन । सरकारमा रहेका मधेशवादी दलले पनि मधेशको जनताको भावनको दुरुपयोग गरेको र जनतालाई अवहेलना गरेको सभापति देउवाले बताए । चुनावका बेला मधेशी भन्दै मत मागेका नेताहरुले आज स्थानिहरु पाँच दिन देखी भोको र अनिदो रहदा पनि कुनै वास्ता नगरेको उनको आरोप छ ।

बाढिका कारण विस्थापित भएकाहरुले पनि सरकारले आफूहरुको कुनै वास्ता नगरेको भन्दै देउवा समक्ष दुखेसो पोखेका थिए । बाढी पीडितहरुका लागी नेपाली काग्रेंका संसदिय नेताहरुले पाँच दिन बराबरको तलब दिने र पीडितहरुको पुर्नस्थापना तथा दिगो रुपमा समस्या समाधानका लागी संसदमा पनि जोडदार आवाज उठाउने सभापति देउवाले बताए । हाल सम्म रौतहटमा आठ जनाको शव फेला परेको छ भने दुई जना बेपत्ता रहेका छन्।

राजपुर नगरपालिका १ का वर्ष २५ वर्षीय सोनेलाल साह, गढिमाइ नगरपालिका १ का बिरेन्द्र राम को १० वर्षीय छोरा रवि राम र राम बाबू रामको ढ वर्षीय छोरा सरेस रामको ज्यान गएको हो २५ वर्षीय साह २८ गते देखि बेपता भएका थिए। आज बिहान सशस्त्र बेसक्याम्प गौर नजिक बाट शव बरामद भएको छ । त्यस्तै राम द्वयको बृन्दावन नगरपालिका ४ हर्दिया नजिक सडक छेउमा जमेको पानीमा डुबेपछि स्थानीयले उद्वार गरेर जिल्ल्ला अस्पताल उपचारको लागि लैजादै गर्दा बाटोमै ज्यान गएको जिल्ला प्रहरी कार्यालय रौतहटकाप्रहरी प्रवक्ता डिएसपी नवीन कार्कीले बताए ।

यसअघि यमुनामाइ गाउँपालिकाकी गायत्री देवी, इशनाथ नगरपालिका हरेन्द्र राय, दुर्गा भगवती गाउँपालिकाका बिरेन्द्र झा, गौर नगरपालिकाका शिव मंगल राउत र उमेश राउतको शव फेला परेका हो।त्यस्तै गढिमाइकी आनन्दी देवी र इशनाथका रामपुकारको अहिले सम्म पनि वेपत्ता रहेका छन्। भारतीय पक्षले दशगजामा बनाएको बाँधको दुई साइफल ढोकाखोलेपछि पानीको सहत घटेको जिल्ला प्रहरी कार्यालय रौतहटका डिएसपी नविन कुमार कार्कीले बताए। उनका अनुसार ९० प्रतिशत पानी घटेको छ। लाल बकैया र बागमतीको बाँध भत्केपछि गौरनगरपालिकासहित दर्जन बढी गाउँमा बाढी पसेको थियो।

निरन्तर चार दिनदेखि परेको वर्षाका कारण बाढी र नदीको पानी बस्तीमा प्रवेश गरेपछि करिव ३० हजार बढी घरमा क्षति पुर्याएको छ। बाढीबाट बिस्थापित सबैलाई सामुदायिक भवन, बिद्यालाय, लगायतका सुरक्षित स्थानमा राखिएको छ। तर बाढीका कारण अधिकांस बाढी पीडितको अवस्था दर्दनाका बनेको छ।