सिरहा : औरही गाउँपालिकाको परिषद् जनता समक्ष गर्न माग

न्यूज ब्यूरो, सिरहा । सिरहाको औरही गाउँपालिकाका युवाहरुको एक समूहले गाउँपालिका परिषद खुल्ला रुपमा गर्न माग गरेका छन् ।

जनप्रतिनिधिको गलत गतिविधि उपर कडा भएर प्रस्तुत हुँदै आएका स्वतन्त्र युवा समाज औरहीले गाउँपलिकाको परिषद् बन्द कोठामा गर्न लागिएको भन्दै पारदर्शी रुपमा गर्न माग गरेका हुन् ।

उनीहरुले आईतबार जिल्ला प्रशासन कार्यालय सिरहालाई बोधार्थ राख्दै गापा प्रमुख, उपप्रमुख, प्रमुख प्रशासकीय अधिकृत लगायत सबै वडाका वडाध्यक्षहरुलाई यस्तो माग गर्दै ज्ञापनपत्र बुझाएको अगुवा दिपेन्द्र यादवले जानकारी गराए ।

चालु आर्थिक वर्षको हरहिसाव सार्वजनिक तथा पारदर्शी नै नगरी विगत झैँ गुपचुप रुपमा गाउँ परिषद् गर्न खोजेपछि युवाहरुले जनमुखी जनता समक्ष ‘जन परिषद्’ गर्न माग गरेको छ ।

स्थानीय जनप्रतिनिधिले लोकतन्त्रलाई रक्षा गर्नुको साटो लोकतन्त्रलाई मानमर्दन गर्न तुलेको भन्दै गलत शैली र गतिविधिको ज्ञापनपत्र मार्फत् घोर भत्र्सना समेत गरिएको छ ।