सिरहामा एक विद्यालयमा अज्ञात समूहद्वारा आगजनी !

न्यूज ब्यूरो, सिरहा । सिरहामा एक सामुदायिक विद्यालयमा अज्ञात समूहले आगजनी गरेको छ ।

सिरहा सदरमुकाममा रहेको बालमन्दिर माध्यमिक विद्यालयमा सोमबार बिहान अज्ञात समूहले आगजनी गरेको हो ।

आगजनीबाट विद्यालयको प्रशासन फाँटमा रहेको महत्वपूर्ण कागजपत्र जलेर नष्ट जिल्ला प्रहरी कार्यालय सिरहाले जनाएको छ ।

आगजनीबाट २०४२ सालदेखि विद्यालय सञ्चालन भएको कागजपत्र, शिक्षक, कर्मचारीको विवरण भएका कागजपत्र, विभिन्न आर्थिक वर्षको लेखापरीक्षण प्रतिवेदन, विद्यार्थीहरुको विवरणसहितका महत्वपूर्ण कागजपत्र र पुस्तकहरु जलेर नष्ट भएको प्रध्यानाध्यापक संजय यादवले बताए ।

विद्यालयमा कसले र किन आगजनी गर्योबारे खुल्न नसकेको र यसउपर अनुसन्धान भइरहेको सिरहा प्रहरीले जनाएको छ ।