धनुषाको गणेशमान चारनाथ नपामा दलित सशक्तिकरण तालिम

न्यूज ब्यूरो, धनुषा । धनुषाको गणेशमान चारनाथ नगरपालिकामा दलित सशक्तिकरण तालिम सुरु भएको छ । गणेशमान चारनाथ नपाको सहयोग एवं गैर सरकारी संस्था समाजिक विकास र अनुसन्धान केन्द्रको आयोजनामा २ दिने तालिम शुभारम्भ गरिएको हो ।

नगरकी उपप्रमुख मीना यादवको प्रमुख आतिथ्यमा शुभारम्भ गरिएको कार्यक्रममा ७० बढी सहभागी छन् । गणेशमान चारनाथ नपा १ स्थित कविरकुट्टीमा बिहीवारदेखि सुरु भएको तालिम शुक्रवार सम्पन्न हुनेछ ।

तालिमलाई उद्घाटन गर्दै उपमेयर यादवले निर्वाचित भएदेखि जनतामै समर्पित रहको भन्दै जनताको हितका लागि यस्तो कार्यक्रम ल्याएको जनाइन् । उनले अगामी दिनमा अझ प्रभावकारी तथा जनता हितकर कार्यक्रमहरु ल्याउने प्रतिवद्धता गरिन् ।

कार्यक्रममा नगरप्रमुख रामवावु यादव, निमित्त प्रमुख प्रशासकीय अधिकृत मित्रप्रसाद काफ्ले, लेखा अधिकृत शिवनारायण साह लगायत विभिन्न वडाका वडाध्यक्ष, वुद्धिजिवी, समाजसेवी, नागरिक समाज, अगुवालगायतको उल्लेख्य सहभागिता थियो ।