मिर्चैयामा महिला तथा सरसफाई लक्षित २ दिने तालिम

न्यूज ब्यूरो, सिरहा । सिरहाको मिर्चैया नगरपालिकामा महिला तथा सरसफाई लक्षित २ दिने तालिम सुरु भएको छ ।

मिर्चैया कटारी चोकस्थित रोयल पार्टी प्यालेसमा मिर्चैया नगरपालिकाको सहयोग तथा सनराईज सामुदायिक विकास केन्द्र मिर्चैयाको आयोजनामा घर गृहणी महिलाहरुको क्षमता अभिवृद्धि तथा सरसफाई फोहोर व्यवस्थापन सम्बन्धि २ दिने तालिम संचालन गरिएको हो ।

शनिवारदेखि संचालन भएको तालिममा वडा नं. ६ र ७ की ६० जनाबढी महिलाहरुलाई सहभागी गराइएको सनराईज सामुदायिक विकास केन्द्र मिर्चैयाका अध्यक्ष घनश्याम क्षेष्ठले जानकारी दिए ।

यस तालिमबाट नगरकी महिलाहरुको बौद्धिक क्षमता वृद्धि हुने र सरसफाईको महत्वबारे चेतना विकास हुने विश्वास गरिएको छ ।