धनुषाको लक्ष्मीनियाँमा पूर्ण सरसफाई कार्यक्रम शुरु

न्यूज ब्यूरो, जनकपुरधाम । धनुषाको लक्ष्मीनियाँमा पूर्ण सरसफाई कार्यक्रम सम्बन्धि तालिम सुरु भएको छ ।

लक्ष्मीनियाँ गाउँपालिकाको आर्थिक सहयोग तथा समाजिक सँस्था उज्यालो नेपालको प्राविधिक सहयोगमा गाउँपालिकाको महिला तथा पुरुषहरुको लागि ३ दिने पूर्ण सरसफाई सम्बन्धी तालिमको एक कार्यक्रमबीच उदघाटन गरिएको हो ।

लक्ष्मीनियाँ गाउँपालिकाको वडा नं. ६ का महिला तथा पुरुष गरी ४० जना सहभागी उक्त तालिम कार्यक्रममा ३ दिनसम्म पूर्ण सरसफाई सम्बन्धी तालिम प्रदान गरिने जनाइएको छ । उज्यालो नेपालका अध्यक्ष सत्रुधन महतोको अध्यक्षता एवम् वडाध्यक्ष उमेश कुमार यादवको प्रमुख आतिथ्यमा सम्पन्न उदघाटन कार्यक्रमा सहभागीहरुलाई पूर्ण सरसफाई कार्यक्रमपछि व्यवहारमा लागू गर्ने विश्वास लिएका थिए ।

आगामी मँगलबार सम्म चल्ने सो कार्यक्रमको संचालन उज्यालो नेपालका उपाध्यक्ष प्रकाश ठाकुरले गरेका थिए भने तालिमका सहजीकरण सरोज कुमार महतो र सुनिता कुमारी सिंहले गरेका थिए । आगामी २ दिनसम्म सहभागीहरुलाई पूर्ण सरसफाई , त्यसको महत्वबारे जानकारी गराइने छ । यस कार्यक्रमपछि सहभागीहरुले समाजमा त्यसलाई व्यवहारमा लागू गर्न सके वडा सफा, स्वच्छ र सभ्य समाज निर्माणमा अहम भूमिका निर्वाह गर्ने बताइएको छ ।