जनकपुरमा चलचित्र महोत्सव २०७६ हुंदै, प्रवेश निःशुल्क

न्यूज ब्यूरो, जनकपुरधाम । जनकपुरमा विस्तारित सातौं नेपाल मानव अधिकार अन्तर्राष्ट्रिय चलचित्र महोत्सव २०७६ आयोजना हुँदैछ ।

मानव अधिकार चलचित्र केन्द्रको आयोजनामा जनकपुरको सिटी स्टार होटेलमा महोत्सव शनिवार (आज) आयोजना हुँदैंछ । महोत्वसमा विभिन्न पाँच सर्ट मुभि प्रर्दशन गरिने आयोजकले जनाएको छ । सहभागिहरुलाई प्रवेश निःशुक्ल गरिएको छ ।

मानवअधिकार चलचित्र केन्द्र मानवअधिकारको क्षेत्रमा क्रियाशिल अधिकारकर्मी, पत्रकार, अभियान्ता तथा चलचित्रकर्मीहरुद्वारा सन २००९ मा स्थापना गरिएको एक गैरनाफामुलक सामाजिक संस्था हो । यस संस्थाले आप्mनो स्थापनाकालदेखि सामाजिक, सांस्कृतिक, राजनैतिक र समाजमा विभिन्न रुपमा पछाडी पारिएका समुदायलाई लक्षित गरी उनीहरुका सवालहरुमा आधारित चलचित्र तथा बृत्तचित्र निर्माण, स्थानिय सामाजिक सवालहरु उजागर गर्नको लागि अधिकारवालाहरुलाई नै चलचित्र निर्माण सम्बन्धी क्षमता विकास तालिम, चलचित्र र मानवअधिकारका बारेमा नियमित छलफल तथा सम्वाद र बार्षिक रुपमा नेपाल मानव अधिकार अन्तर्रराष्ट्रिय चलचित्र महोत्सव आयोजना गर्दै आइरहको छ ।

मानव अधिकार चलचित्र केन्द्रको संयोजनमा सातवटा अन्तर्राष्ट्रिय मानव अधिकार चलचित्र महोत्सव नेपालमा आयोजना भईसकेको छ । गत ०४ देखि ०७ अप्रिल २०१९ मा काठमाडौंमा सातौं नेपाल मानव अधिकार अन्तर्राष्ट्रिय चलचित्र महोत्सव सम्पन्न भएको थियो । उक्त महोत्सवमा राष्ट्रिय तथा अन्तर्राष्ट्रियस्तरका फिल्म मेकर, मानवअधिकारकर्मी, फिल्म समिक्षक, पत्रकार, अनुसन्धानकर्ता, मानवअधिकारमैत्री दर्शक लगायत करिब तीन हजार जनाकोसहभागीता रहके ोथियो। उक्त महोत्सवमा राष्ट्रिय मानवअधिकार आयोग, नेपाल पर्यटन बोर्ड, चलचित्र बिकास बोर्ड तथा करिब दुई दर्जन मानवअधिकार क्षेत्रमा क्रियाशिल संघसंस्थाहरुको सहयोग रहेको थियो ।

यसै सन्दर्भमा मानव अधिकार चलचित्र केन्द्रको आयोजना र स्वीजरल्याण्ड एम्बेसीको सहयोगमा काठमाडौं बाहिरका चार जिल्लाहरुमा बिस्तारित सातौं नेपाल मानवअधिकार अन्तराष्ट्रिय चलचित्र महोत्सव आयोजना गर्न गईरहको छ ।

कार्यक्रममा प्रदेशको मुख्य मन्त्री, मन्त्रीहरु, स्थानीय सरकारका प्रमुख, सरकारी कार्यालयका प्रमुखहरु, सुरक्षा निकाय, क्याम्पसका प्रिन्सीपलहरु, युवा तथा बिद्यार्थीहरु, गैरसरकारी संघसंस्थाका प्रतिनिधीहरु, मानवअधिकारको क्षेत्रमा क्रियाशिल संघसंस्थाका प्रतिनिधीहरु, पत्रकार महासंघ, नेपाल बार एसोशियसन, उद्योग बाणिज्य संघ लगायतका संघसंस्थाका प्रतिनिधी तथा सर्वसाधारण सहभागि हुने मानवअधिकार चलचित्र केन्द्रका कार्यकारी निर्देशक पाण्डव केसीले जानकारी दिए ।