सिरहामा बसको ठक्करबाट १ युवकको मृत्यू !

न्यूज ब्यूरो, सिरहा । सिरहामा बसको ठक्करबाट एक युवकको ज्यान गएको छ । सिराहाको लहान नगरपालिका–१२ पडरिया चोक नजिकै गएराति बसको ठक्करबाट एक युवकको मृत्यु भएको हो ।

मृत्यु हुनेमा अन्दाजी २२ वर्षीय युवक छन् । मृतकको सनाखत हुन बाँकी रहेको प्रहरीले जनाएको छ ।

बसको ठक्करबाट गम्भीर घाइते भएका ती युवकको उपचारको लागि अस्पताल लैजाने क्रममा मृत्यु भएको सिराहा प्रहरीले जनाएको छ ।

झापाबाट काठमाडौँ जाँदै गरेको ना६ख ७८६४ नम्बरको बसले गएराति साढे १ बजे उनलाई ठक्कर दिएको थियो ।

बससहित चालकलाई लहान प्रहरीले नियन्त्रणमा राखेको छ ।