मधेशको बारामा दैविक कहर : राहतको लागि मन्त्रीपरिषद्को आकस्मिक बैठक !

न्यूज ब्यूरो, जनकपुरधाम । आईतबार साँझ आएको भिषण हावाहुरीका कारण अहिलेसम्म ३१ जनाको मृत्यूको खवर प्राप्त भएको छ भने सो घटनामा बारा,पर्सा, रौतहट लगायतका जिल्लाहरुबाट करिब ५०० बढी सर्वसाधारण घाईते भएको पनि खवर प्राप्त भएको छ ।

प्रदेश नं. २ को यी जिल्लाहरुमा आएको दैविक कहरको कारण भएको अपूर्णिय क्षतिलाई मध्यनजर गर्दै प्रदेश नं. २ को मन्त्रीपरिषद्को आकस्मिक बैठक अहिले जारी रहेको छ । आज विहानै करिब ७ बजेदेख बसेको आकस्मिक बैठकमा मधेशका यी जिल्लाहरुमा गत साँझ गएको भिषण हावाहुरीमा परी ज्यान गुमाउने तथा घाईतेहरुको उचीत क्षतिपूर्ति तथा तत्कालै राहतको बारेमा छलफल जारी रहेको स्रोतले जनाएको छ ।

यो छुटाउनुभयो की ? :अपडेट : मधेशकै बारामा हुरीको कहर : २५ जनाको मृत्यू, ४०० बढी घाईते !

आपतकालिन मन्त्री परिषद बैठकले बारा र पर्सामा भएको व्यापक जनधनको क्षतिको विषयमा केन्द्रित रहने जनाएको छ । बैठकमा मृतकलाई क्षतिपुर्ति, घाइतेको निःशुल्क उपचार र भत्किएका संरचना पुनर्निर्माण एवं राहतको विषयमा निर्णय हुने बुझिएको छ ।

आईतबार साँझ गएको भीषण हावाहुरीले अहिलेसम्म ३१ जनाको ज्यान गएको खवर छ भने ५०० को आसपासमा सर्वसाधारणहरु घाईते भएको जनाइएको छ । मृतकहरुको सँख्या ३१ पुगेको भनि अझ अधिकारीक पुष्टि भने भएको छैनन् । उनीहरुलाई बारा, पर्सा, रौतहटको विभिन्न जिल्लाहरुमा उपचार भईरहेको छ । अस्पतालमा घाईतेहरुको संख्या बढी भएकोले रक्तको आवश्कता पनि बढी देखिएको छ ।

यो पनि पढनुहोस् : अपडेट : बारामा हावाहुरीले २८ जनाको मृत्यू, राहतको लागि 'नाईट भिजन हेलिकप्टर' आउँदै !

घाइतेहरुको उद्धार काम चलिरहेको छ । मृतकको संख्या बढ्न सक्ने प्रहरीले जनाएको छ । प्रदेश २ सरकारले आईताबार रातिदेखि नै घाइतेहरुको उद्धार गर्न प्रभावित क्षेत्रमा आफ्नो मातहतको उद्धार टोली पठाइ सकिएको प्रदेश नं. २ का आन्तरिक मामिला तथा कानुनमन्त्री ज्ञानेन्द्र कुमार यादवले जनाएका छन् ।