सिरहामा बलात्कारको आरोपमा दुईजना पक्राउ !

सिरहा, ८ फागुन । सिरहामा जबर्जस्ती करणी गरेको आरोपमा दुईजना पक्राउ परेका छन् । सिरहाको दुई अलगै अलग स्थानबाट जबर्जस्ती करणी गरेको अभियोगमा २ जनालाई प्रहरीले पक्राउ गरेको हो ।

सिरहाको धनगढीमाई नगरपालिका वडा नम्बर १३ भोरलेनि बस्ने १४ वर्षीया बालिकालाई जबर्जस्ती करणी गरेको अभियोगमा सोही नगरपालिका १३ खजनपुरका २४ वर्षीय श्रीराम यादवलाई बुधवार बिहान पक्राउ गरिएको छ ।

नजिकैको चन्डेरा जंगलमा दाउरा टिप्न गएको अवस्थामा निज बालिकालाई ७ गते मंगलवार साँझ जबर्जस्ती करणी गरी भागेको आरोपमा यादवलाई ईलाका प्रहरी कार्यालय सिरहाको विष्णुपुरकट्टीबाट खटिएको प्रहरी टोलीले पक्राउ गरेको जनाएको छ । उनलाई पक्राउ गरी आवश्यक कारवाहीको लागि ईलाका प्रहरी कार्यालय लहानमा पठाइएको छ ।

त्यस्तै, सिरहाको गोलबजार नगरपालिका १० घुर्मिघाट बस्ने १२ वर्षीया बालिकालाई जबरजस्ति करणी गरेको अभियोगमा सोही नगरपालिका बस्ने अन्दाजी २१ वर्षीय दीपक राईलाई मंगलवार दिउँसो प्रहरीले पक्राउ गरेको छ ।

घरमा कोही नभएको अवस्थामा निज बालिकालाई जवरजस्ति करणी गरेको भन्ने सूचना प्रहरीलाई प्राप्त हुनासाथ ईलाका प्रहरी कार्यालय सिरहाको गोलबजारबाट खटिएको प्रहरी टोलिले राईलाई पक्राउ गरेको प्रहरीले जनाएको छ ।

उनीहरुलाई नियन्त्रणमा लिई दुबै घटना उपर प्रहरीले थप अनुसन्धान थालेको जनाइएको छ ।