दलित बालबालिकाहरुलाई एलायन्स क्लबद्धारा शैक्षिक समाग्री

जनकपुरधाम, २६ माघ । एलायन्स युथ क्लब जनकपुरद्धारा एक विद्यालयका दलित बालबालिकाहरुलाई शैक्षिक समाग्री वितरण गरिएको छ ।

सेवा नै धर्म हो मूल नाराका साथ जनकपुरधाम उपमहानगरपालिका अन्तर्गत वार्ड नं ६ मा स्थित रहेको राष्ट्रीय ज​न​ता प्राथ​मिक विद्याल​य​मा एलायन्स युवा क्लबद्धारा अध्ययनरत दलीत बालबालिकाहरुलाई कापी, पेन्सिल , बिस्कुट, इरेजर , कटर लगायतका समाग्री वितरण गरिएको हो ।

क्लकका सदस्य समिर सिद्दीकीको अगुवाईमा आयोजना गरिएको उक्त वितरण कार्यक्रमको दौरान क्लबका सल्लाहकार चन्दन ब्रम्हचारीले विद्यालयको कच्ची रहेको फिल्डमा ढलान गर्ने जिम्मेवारी लिएका छन् । धनुषाका प्रमुख जिल्ला अधिकारी प्र​दिप​ कनेलको प्रमुख आतिथ्यमा भएको उक्त कार्यक्रममा वडाध्यक्ष ज​ग​न्नाथ सहित दिप​क झा , ज्ञानु झा , महिला अधिकारकर्मी सुभ​द्रा आले , निर्म​ला दिदी एव​म अतिथीमा राजपाका कार्यकर्ता प्रशान्त झा लगायत विद्यालयका शिक्षक शिक्षिका, विद्यार्थीगणहरुको उपस्थिति रहेको थियो ।

सो कार्यक्रममा बोल्दै प्रमुख जिल्ला अधिकारी कनेलले एलायन्स युवा क्लबको कार्यप्रति प्रशंसा व्यक्त गर्दै आगामी दिनमा समेत गरिब तथा विपन्न समुदायका बालबालिकाहरुलाई सहयोगको अपेक्षा समेत जाहेर गरे ।