सिरहाका १ युवक सप्तरीमा लागुऔषध सहित फन्दामा

न्यूज ब्यूरो, सप्तरी । सप्तरीमा सिरहाका एकजना युवक लागुऔषध सहित पक्राउ परेका छन् । सिमावर्ती भारतबाट नेपालतर्फ अवैध लागुऔषध ल्याउँदै गरेका सिरहा लहानका १८ वर्षीय भरत यादवलाई सप्तरीको बोदे बर्साइन नगरपालिका ५ स्थित मुख्य बजारबाटै प्रहरीले पक्राउ गरेको हो ।

ईलाका प्रहरी कार्यालय बोदे बर्साइनबाट खटिएको प्रहरी टोलीले चेकजाँच गर्ने क्रममा लागुऔषधसहित यादवलाई पक्राउ गरेको जिल्ला प्रहरी कार्यालय सप्तरीका एसपी राजेन्द्र विष्टले जानकारी दिए ।

यादवको साथबाट नाईट्रोभेट ६ सय पिस, फेनारगन ५१ पिस, डाईजेल्याप ५० पिस र नुर्फिन २९ पिस बरामद गरिएको सप्तरी प्रहरीले जनाएको छ ।