जनकपुरको मोबाईल पसलमा चोरी

विनय कुमार यादव,, जनकपुरधाम । जनकपुरमा गएराती एक मोबाईल पसलमा चोरी भएको छ ।

जनकपुरधाम उपमहानगरपालिका वडा नं. १ मिल्य एरिया स्थित रहेको अम्बिका मोबाईल रिपेंरिँग सेन्टरमा तीन ओटा ताल्चा फुटाउँदै चोरी गरेका छन् ।

गएराती करिब २ बजेको समयमा चोरहरुको समूहले सटरको ताला फुटाएर मोबाईल पसलमा करिब डेढ लाख मूल्य बराबरको चोरी गरेको पसल सँचालक दिनेश मुखियाले बताए ।

पसलबाट मोबाईलहरु झोलमा हालेर चोरी गरी भाग्न खोज्दा प्रहरी पुगेका थिए ।

प्रहरीलाई हेर्ने वित्तिकै उनीहरुलाई झोला छाडेर भागेको तथा एउटमा मात्र मोबाईल लिएर भाग्न सफल भएको बताइएको छ । उक्त मोबाईल १२ हजारको थियो ।