सिरहामा २ किशोरी उपर सामूहिक बलात्कार

न्यूज ब्यूरो, सिरहा । सिरहाको लहानमा बर्थडेपार्टीको बहानामा बोलाएर २ किशोरी उपर सामूहिक बलात्कार भएको छ । गत २३ गते राति भाइटिकाको दिन बर्थडेपार्टीको बहानामा कोठामै बोलाएर एक १५ वर्षीया र अर्की २० वर्षीया किशोरीमाथी सामूहिक बलात्कार भएको हो ।

प्रहरीले दिएको जानकारी अनुसार लहान २२, लक्ष्मीपुर पतारी २ की २ किशोरीलाई सात जना युवकहरुले बलात्कार गरेका हुन् । उक्त घटनामा संलग्न रहेका लहान नगरपालिका ११ का २३ वर्षीय हरि चौधरी, २१ वर्षीय अनिल चौधरी र २१ वर्षीय सुनिल चौधरीको नाम खुलेको र बाँकी चार जनाको नाम खुल्न बाँकी रहेको ईलाका प्रहरी कार्यालय लहानका डिएसपी राजेश थापाले बताए ।

पीडित दुवै किशोरीले दिएको बयानका आधारमा हरि चौधरीले आफ्नो बर्थडेपार्टीको बहाना बनाएर उनीहरुलाई बोलाएको थियो । साँझतीर हरि र उनका १ जना साथीले मोटरसाइकलमा घरबाट लहान लिएर गए । केहि बेरपछि अन्य पाच जना युवाहरुको एक समुह उनको कोठामा आएर आफूहरूमाथि सामूहिक बलात्कार भएको पीडित किशोरीहरुले बताएकी छिन् । पीडित दुबै किशोरीको स्वास्थ्य परीक्षण गरिएको छ ।

बलात्कार घटनामा संलग्न सातै जना फरार रहेका छन् । उनीहरूको विशेष प्रहरी परिचालन गरी खोजविन भइरहेको प्रहरीले जनाएको छ ।