मधेसमा कुस्तीको अस्तित्व बचाउन 'पहलवानी'

न्यूज ब्यूरो, जनकपुरधाम । तराई मधेसमा लोप हुँदै गएको कुस्ती (पहलवानी) लाई जीवन्त राख्न धनुषाको मँगलपुरमा पलवानी आयोजना गरिएको थियो ।

कुनै बेला तराई मधेसको शान र प्रतिष्ठाको रुपमा रहेको कुस्ती खेल दिनानुदिन लोप हुँदै गएको बेला त्यसको औचित्य कायम राख्नको लागि तराई मधेसको विभिन्न जिल्लामा कुस्ती खेलको आयोजना गरिदै आएको छ ।

यसैबीच, धनुषाधाम नगरपालिकाको मँगलपुरमा विजया दशमीको अवसरमा आयोजना गरिएको कुस्ती खेलमा स्थानीय तथा बाहिरका पहलमानहरुले आ आफ्नो शक्ति प्रदर्शन गरेका थिए ।

लोप हुँदै गएको कुस्ती खेल अहिले विभिन्न मेलाहरुमा आयोजना गरिन्छ भने पहलवानी हेर्नको लागि वरपरका गाउँ सहित दुर दराजबाट सर्वसाधारणहरु कुस्तीको स्वाद लिन आउँदछन् ।

हजारौँको सँख्यामा सर्वसाधारणह मेला भर्न कुस्तीकै नाममा आउने गरेको देखिएको छ भने मेला आयोजक समितिले आगामी वर्षमा समेत कुस्तीको आयोजना गर्ने प्रतिवद्धता जाहेर गरे ।

एक पहलवानले तीन पहलवासँग विजयी हाँसिल गरेपछि मात्र मेडल प्रदान गरिएको आयोजक समितिले जनाएको छ ।