डा. राउतको गिरफ्तारी विरोधमा जल्न थाल्यो मधेस, प्रम र गृमको पुतला दहन !

न्यूज ब्यूरो, सिरहा । सिरहामा प्रधानमन्त्री केपी शर्मा ओली र गृहमन्त्री राम बहादुर थापाको पुतला दहन गरिएको छ । स्वतन्त्र मधेस गठबन्धनका संयोजक डा. सिके राउतको गिरफ्तारीको विरोधमा सिरहाका विभिन्न स्थानमा राउत समर्थकद्धारा प्रधानमन्त्री र गृहमन्त्रीको पुतला दहन गरिएको हो ।

गठबन्धनका कार्यकर्ताहरु सिरहाको औरही, ईटाटार लगायतका विभिन्न स्थानहरुमा डा। राउतको रिहाईको माग गर्दै पुतला जलाएको गठबन्धनले जनाएको छ । डा। राउतको रिहाई शिघ्र नभए गठबन्धनले चरणबद्ध आन्दोलनको घोषणा गर्ने चेतावनी समेत दिइएको छ ।

आईतबार अपरान्ह राज्य विप्लवको मुद्दामा जिल्ला अदालत रौतहटमा तारेख बुझ्न गएका डा। राउतलाई प्रहरीले अदालत परिसरबाटै उनकी ४ वर्षीया छोरीसहित गाडी चालक रामेश्वर यादव र सहयोग संजय स्वराजीलाई पक्राउ गरेका थिए ।

डा. राउतसहित चारै जनालाई जिप्रका रौतहटमा राखिएको छ ।

यस सम्बन्धी अन्य समाचारहरु

Breaking ! - रौतहट जिल्ला अदालतबाट डा. सिके राउत पुनः पक्राउ !

४ बर्षिय छोरी सहित डा. सिके राउत पक्राउ, जिप्रका घेराउ, अवस्था तनाग्रस्त !!!

डा. सिके राउतको गिरफ्तारी 'नेपाल' लाई महँगो साबित हुनेछ : अब्दुल खान