धनुषाको खजुरीबाट शसस्त्र प्रहरीले अबैद्य पटाका समाते

न्यूज ब्यूरो, धनुषा । सशस्त्र प्रहरी बल नेपाल बोर्डर आउट पोष्ट खजुरीले भारत बाट अबैध रुपमा नेपाल भित्र्याउदै गरेको पटका ठुलो परिमाणमा पक्रउ गरी नष्ट गरेको छ ।

जनक नन्दिनी गाँउपालिका वडा नं ४ स्थित खजुरीबाट सशस्त्र प्रहरी निरीक्षक जयन्त सिंह डडालको नेतृत्वमा खटिएको टोलीले करिब ९० हजार रुपैया बराबरको बिभिन्न किसिमको पटका पक्राउ गरेको थियो । पक्राउ गरेका उक्त परिमाणका पटका जनक नन्दिनी गाँउपालिकाका वडा अध्यक्ष बिशुन देब साह छोटी भन्सार कार्यालय खजुरीका थिर बहादुर थापा नेपाल प्रहरी र पत्रकारहरुको रोहबरमा नष्ट गरेको हो ।

दशै तिहार नजिकिदै जाँदा धनुषाको बिभिन्न नाकाबाट चोरी तस्करी गरी नेपालको बिभिन्न स्थानहरुमा अबैध पटका भित्रि रहेको बेला सशस्त्र प्रहरीको यो काम निकै सराहनिय भएको वडा अध्यक्ष साहले बताए ।