धनुषामा पेस्तोल र गोलीसहित दुईजना समातिए

न्यूज ब्यूरो, जनकपुरधाम । धनुषामा पेस्तोल र गोलीसहित दुईजना पक्राउ परेका छन् । धनुषाको विदेह नगरपालिका वडा नं. १ बाट पेस्तोल र त्यसमा प्रयोग हुने ६ राउण्ड गोलीसहित दुई जनालाई पक्राउ गरिएको हो ।

पक्राउ परेकामध्ये एक धनुषा कमला नगरपालिका ६ का १८ वर्षीय राजगिर महतो हुन्छ भने अर्का सोही नगरपालिकाका वडा नं ८ का सत्रुधन ठाकुर रहेका जिल्ला प्रहरी कार्यालय धनुषाले जनाएको छ ।

सिरहा प्रहरी र इलाका प्रहरी कार्यालय खजुरीको संयुक्त टोलीले उनीहरुलाई पक्राउ गरेको हो । पक्राउ परेका दुवैमाथि थप अनुसन्धान भइरहेको प्रहरीले जनाएको छ ।

पक्राउ परेका दुवै जना लुटपाटको घटनामा संलग्न भएका प्रहरीको प्रारम्भिक अनुसन्धानले बताएको छ ।