जनप्रतिनिधि र निगरानी समूहको क्षमता विकास तालिम

न्यूज ब्यूरो, जनकपुरधाम । अनौपचारिक क्षेत्र सेवा केन्द्र ९इन्सेक० प्रदेश २ जनकपुर कार्यालय, द्वारा आयोजित मानव अधिकार निगरानी समुहका सदस्य तथा निर्वाचित जनप्रतिनिधिहरुलाई क्षमता अभिवृद्धी तथा अभिमुखीकरण सम्बन्धी दुई दिने तालिम आज सम्पन्न भएको छ ।

दुई दिने यस तालिममा इन्सेकको अभियान र मानव अधिकारको अवधारणा,विकासको सैद्धान्तिक अवधारणा, गाँउपालिकामा देखिएको शिक्षा,स्वास्थ्य र खाद्य अधिकारको समस्या अवस्था विश्लेषण र समाधानकालागी जनप्रतिनिधिहरुको भुमिका, नेपालको संविधान २०७२ र मौलिक हक,मानव अधिकारको निगरानीे,आर्थिक,सामाजिक तथा साँस्कृतिक अधिकार र स्थानीय जनताको पहुँच लगायतका विषयहरुमा प्रशिक्षण दिईएको छ ।

स्थानीय निर्वाचित जनप्रतिनिधिहरू आएपछि मानव अधिकार निगरानी समूह र निर्वाचित जनप्रतिनिधिहरूलाई एक ठाउँमा राखी क्षमता अभिवृद्धि तालिम सञ्चालन गरिएको इन्सेक प्रदेश २ का संयोजक राजु पासवानले बताए ।

नेपालमा २० वर्षपछि जनप्रतिनिधि आएकाले आम जनताको दैनिक प्रशासनिक काम र विकास काम भइरहेको बताए पनि जनतासँग प्रभावकारी समन्वय हुन नसकेको वटेश्वर गाउँपालिकाका अध्यक्ष डम्बरबहादुर क्षेत्रीले बताए ।

वर्गीय समाज व्यवस्थाका कारण मानिसहरू खान, लाउन र बस्ने समस्याहरूकै सवालमा जिन्दगी भरी दौडधुपमा लागेको उनले बताए । जबसम्म उचनिच तह तप्का रहन्छ समानताको अधिकारको लडिरहनु पर्ने अध्यक्ष क्षेत्रीले बताए ।

मानव अधिकार निगरानी समूहले निगरानी गर्नु भन्दा पनि स्थानीय जननिर्वाचित प्रतिनिधिहरूसँग समन्वयकारी भूमिका निर्वाह गरी शिक्षा, स्वास्थ्य र खाद्यान्नका समस्याहरूको पहिचान गरी जनताको हितमा काम गरिरहेको प्रदेश संयोजक पासवानले बताए ।

पहिलो दिनको तालिममा सहभागीहरुलाई विकासको सैद्धान्तिक अवधारणा र नेपालको संविधान २०७२ र मौलिक हकको विषयमा ले प्रशिक्षण दिएका छन् ।

तालिमको सहजीकरण धनगढीमाई नगरपालिका सिराहाका उपसचिव गजेन्द्रनाथ शर्मा, इन्सेक क्षेत्रीय कार्यालय प्रदेश नं २ का संयोजक राजु पासवान, निमित्त निर्देशक राष्ट्रिय मानव अधिकार आयोग जनकपूरका वीर बहादुर बुढा मगर, इन्सेक प्रदेश २ फोकल पर्शन जागेश्वर यादव, महोत्तरीका प्रतिनिधि अजय साह र धनुषा प्रतिनिधि बिनोद कुमार रविदासले गरेका थिए ।