महोत्तरी डकैती प्रकरणः प्रहरी विरुद्ध आन्दोलनमा उत्रिए भंगहावासी

न्यूज ब्यूरो, महोत्तरी । गएको मध्यराती भंगहा नगरपालिका वडा नं. ४ मा भएको डकैती र लुटपाटको घटनामा पिडितको घरबाट करिव पाचसय मिटर पर वडा नं. ६ जमुनियामा ड्युटीमा खटिएका प्रहरी डाका रोक्न नगएको आरोप लगाउदै स्थानियहरु आन्दोलित भएका छन । वडा नं. ६ का वडाअध्यक्ष चौठी महतोको नेतृत्वमा स्थानियहरुले आन्दोलन सुरु गरेका छन् ।

डाकालाई हाजिर गर, दोषी प्रहरीलाई कार्यवाही गर र पिडित परिवारलाई न्याय दे भन्दै चर्को नारावाजी सहित वडा नं. ४ र ६ का पसलहरु बन्द गरिएको र अन्य वडाहरुसंग समेत समन्वय भैरहेको र भंगहा नगर नै पुर्ण बन्द गरिने वडाअध्यक्ष महतोले बताए ।

उनले यसै क्षेत्रमा विगत केहि दिन देखि व्यापक रुपमा प्रहरी परिचालित रहेपनि यत्रो प्रहरीको उपस्थितिमा लुटपाट र डकैती हुनु आफैमा दुर्भाग्यपुर्ण रहेको थपे ।

यता, जिल्ला प्रहरी कार्यालय महोत्तरीका प्रमुख एसपी इश्वर कार्कीले प्रहरी घटना स्थलमा नपुगेको आरोप मित्थ्या रहेको बताए । घटनाको जानकारी पाउनासाथ जनपद र शसस्त्र प्रहरी समेत घटना स्थलमा पुगी घाईतेहरुको उपचारको प्रवन्ध तथा शंकास्पद ६ जनालाई सोधपुछको लागि नियन्त्रणमा लिएको र घटना पश्चातको समय देखि हालसम्म प्रहरी पुर्ण इमान्दारीका साथ ड्युटी गरिरहेको बताए ।

यस्तो थियो घटनाः
महोत्तरीको भंगहा नगरपालिका वडा नं. ४ मा गएराती स्थानिय अर्जुन भुजेलको घरमा १० जना भन्दा वढीको संख्यामा आएका अपरिचित व्यक्तिहरुले डकैती र लुटपाट गरेका थिए ।