रौतहटमा बस र ट्रक जुध्यो, १८ घाइते !

न्यूज ब्यूरो, रौतहट । रौतहटको पुर्व पश्चिम महेन्द्र राजमार्ग अन्तर्गत चन्द्रपुर १ पौराईमा बस र ट्रक एक आपसमा ठोकिएर दुर्घटना भएको छ ।

पुर्वबाट आउदै गरेको ना ३ ख १६६५ नम्बरको बोलबम यात्री बोकेको बस र पुर्वतर्फ जादैं गरेको ना ५ ख ५८३८ नम्बरको ट्रक एक आपसमा ठोक्किदा १८ जना घाईते भएका छन् ।

घाइते मध्ये ३ जना गम्भीर भएपनि अन्यलाइ समान्य चोटपटक लागेको प्रहरीले जनाएको छ । दुर्घटनामा बसमा सवार ४३ जना मध्ये १७ जनालाई र एक ट्रक चालकलाई चोटपटक लागेको हो ।

घाईते हुनेमा ट्रक चालक ओखलढुङ्गा नगरपालिका ७ बस्ने वर्ष ४० को चित्र बहादुर कार्की, बस चालक जिल्ला रौतटह चन्दपुर नपा ९ सिन्दुरेघारी बस्ने वर्ष ४० को डिल्ली बिक, मौलापुर नपा ४ बस्ने वर्ष ४५ को पाचु साह रहेका छन् भने अन्यलाई समान्य चोट पटक लागेका छन् ।

गम्भीर घाईते तीनै जनालाई थप उपचारको लागि विरगंज पठाइएको र समान्य घाईते सबैको उपचार चन्द्रपुर अस्पतालमा भर्ना गरिएको छ । बस र ट्रक तीव्र गतिको कारण अनियन्त्रीत भई दुर्घटना भएको जिल्ला ट्राफिक प्रहरी प्रमुख बिजय श्रेष्ठले जानकारी दिए ।