अपमान गरेको भन्दै गौरका मेयरद्धारा मुख्यमन्त्री राउतको कार्यक्रम बहिष्कार

न्यूज ब्यूरो, नेपाल । रौतहतको गौर नगरपालिकाका मेयर अजय गुप्ताले प्रदेश नं. २ मुख्यमन्त्री मो. लालबाबू राउतको कार्यक्रम बहिष्कार गरेका छन् ।

सोमबार दिउँसो डुङगा (नाउ) दुर्घटनाको नीरिक्षण गर्न घटनास्थल पुगेका मुख्यमन्त्री राउतले पार्टीगत हिसाबले अन्य नगरपालिकाका मेयरलाई आसन ग्रहण गराएपनि गृह नगरमै आफूलाई आसन ग्रहण नगराको भन्दै अपमान गरेको बताएका छन् ।

मुख्यमन्त्री मो. लालबाबू राउतले संघीय समाजवादी फोरमबाट रौतहटकै देवाहीगोनाही नगरपालिकाका मेयर धमेन्द्र पटेललाई अध्यक्षता गराए, तर आफनै गृहनगरमा आएर आफूलाई अपमान नै गरयो । आफू राजपाबाट विजयी भएको मेयर हुँ, यहाँको मेयरको हैसियतले त्यस कार्यक्रमको अध्यक्षता आफ्नो हुनुपर्ने थियो, मलाई आपत्ति भएन, तर आसन ग्रहणको लागि समेत नभनेपछि बहिष्कार नगरे के स्वागत गर्ने हो ? सार्वजनिक कार्यक्रममा पार्टीको दृष्टिकोणले हेरेपछि बहिष्कार गरेका हौं । - उनले भने ।

मेयर गुप्ताकै नगरपालिकाको टिकुलियामा आयोजित कार्यक्रममा देवाहीगोनाही नगरपालिकाका मेयर पटेललाई अध्यक्षताको लागि आसन ग्रहण गराएपछि मेयर गुप्ताले बहिष्कार गरेका हुन् ।

मेयर गुप्ताको नाम लिन खोज्दा मुख्यमन्त्री राउतले उद्घोषकबाट माईक खोसेर एक्लै भाषण गरेर समापन गर्दै मञ्चबाट झरेका थिए ।

पीडित परिवारलाई १ लाख २५ हजार दिने घोषणा

आफ्नो नगरपालिका भित्र यस्तो दुर्घटना भएको भन्दै मृतक परिवारप्रति शोक व्यक्त गर्दै मृतक परिवारलाई नगरपालिकाको तर्फबाट १ लाख २५ हजार रुपैयाँ दिने घोषणा गरेका हुन् ।

साथै, बेपत्ता यात्रुहरुलाई खोज तलास तीव्र पार्न स्थानीय प्रशासनसँग आग्रह समेत गरेका हुन् ।