पप्पु कन्सट्रक्सनलाई ब्ल्याक लिस्टमा राख्नुपर्छ :  नेकाँ जिल्ला सभापति यादव

सँजय सहनी |
रौतहट, १० भदौ । डुङगा दुर्घटनाकोम मुख्य कारण निर्माणधिन पूलको पिलर (पाया) भएको भन्दै ठेकेदारलाई कारवाही र कन्सट्रक्सन कम्पनीलाई ब्ल्याक लिस्टमा राख्न माग गरेका छन् ।

कम्पनीको लापरवाहीका कारण कैयौँ ज्यान गएको र बेपत्ता समेत भएको भन्दै नेपाली काँग्रेस जिल्ला कार्य समिति रौतहटले एक प्रेस विज्ञप्ति जारी गर्दै कारवाहीको लागि माग गरेका छन् ।

जिल्ला सभापति कृष्ण प्रसाद यादवले एक प्रेस विज्ञप्ती जारी गर्दै कन्स्ट्रक्सन र मालिक दुवैलाई कारवाहीको लागि माग गरेका हुन् । यसका साथै, दुर्घटनामा परेर नदीको बहाबमा बेपत्ता भएकाहरुको यथाशिघ्र उद्धार गर्नको लागि सरकारसँग माग गर्दै यस घटनालाई उच्चस्तरीय छानबिन हुनुपर्ने माग समेत गरेका छन् ।

शनिबार साँझ बकैयाँ पूलमा निर्माणधिन पूलको पिलरमा डुङगा ठोक्किएर दुर्घटना हुँदा अहिलेसम्म दुई जनाको लास बरामद भएको छ भने ७ जना बढी बेपत्ता नै रहेको छ ।

२२ जनाको भने सकुशल उद्धार गरिएको हो । उद्धार कार्य जारी रहेको छ ।