मध्य तराईमा गर्मीको प्रकोप उग्र , ४१ डिग्री सम्म तापक्रम !

न्यूज ब्यूरो |
जनकपुरधाम, ४ भदौ । मध्य तराईमा दुई दिनयता अत्याधिक गर्मी बढेको छ । मौसम शाखा जनकपुरधामका अनुसार दुई दिनयता न्यूनतम तापक्रम ३८ देखि ४१ डिग्री सेल्सियस र हेको छ ।

आइतबार पनि र सोमवारी ३८ देखि ४१ डिग्री तापक्रम मापन गरिएको थियो । बढ्दो गर्मीका कारण विद्यालय पुग्ने विद्यार्थीको संख्यामा समेत कमी आएको छ । दुई दिनदेखी बढेको गर्मीका कारण सर्वसाधारणको चहलपहलमा कमी आएको छ । आजको न्यूजपेपर दैनिकमा समचार छ ।

बजारमा बिहान र बेलुकीपख चहलपहल देखिए पनि दिउँसोको समयमा भने सर्वसाधारणको उपस्थिति न्यून रहेको छ । पछिल्लो दुई दिनयता ह्वात्तै बढेको गर्मीले पूर्वी तथा मध्य तराईंको जनजीवन कष्टकर बनेको छ ।

गर्मीसँगै अस्पतालहरूमा बिरामीको चापसमेत बढेको छ । जनकपुर अञ्चल अस्पतालका अनुसार जिल्लाभरका स्वास्थ्य संस्थामा उपचारका लागि पुग्ने बिरामीको संख्यामा वृद्धि भएको छ । अस्पतालमा समेत गर्मीका कारण बिरामी भई उपचारका लागि पुग्ने सर्वसाधारणको भीड लाग्न थालेको छ ।

अञचल अस्पताका अनुसार अस्पतालमा उपचारका लागि आउने बिरामीहरुमा रुखाखोकी, ज्वरो, झाडापखाला, छाला चिलाउने, टाउको दुख्ने, रिंगटा लाग्ने र बान्ता हुने बढी छन् । सावधानी अपनाउन अग्रह गर्मी बढ्दो क्रममा रहेकाले चिकित्सकहरुले सावधानी अपनाउन सर्वसाधारणमा अपिल गरेका छन् ।

गर्मीका समयमा बढी पानी पिउन, आराम गर्न, धुलो धुँवा बाट बच्न र धपेडीमा काम नगर्न चिकित्सकहरुले सुझाव दिदै पठाउने गरेको छ । गर्मीका कारण शरीरमा पानीको मात्रा कम हुने भएकाले पिसाब पोल्ने जस्ता समस्या देखिने र शरीरमा आलश्यपना भई थप समस्या निम्तन सक्ने हुँदा पानी पिउन आनाकानी गर्न नहुने बताइन् ।

बजारमा खुल्ला रूपमा बिक्रीका लागि राखिएका तथा सडेगलेका खानेकुरा नखान समेत चिकित्सकहरुले आग्रह गरेका छन् । आफ्नो स्वास्थ्य लागि स्वयं सचेत हुन आवश्यक रहेको भन्दै जिल्ला अस्पतालले सर्वसाधारणका हकमा कुनै शंका र शरीरमा कठिनाई महसुस भए बेलैमा स्वास्थ्य संस्थामा गई चेकजाँच वा परामर्श लिन समेत आग्रह गरेको छ । आजको न्यूजपेपर दैनिकमा समचार छ ।