तिनकोरियाबाट हराएको १२ दिनपछि आफ्नै घर नजिक भेटिए बालक सिद्धाँश, कहाँ थिए यत्रो दिनसम्म भन्ने रहस्य कायमै

न्यूज ब्यूरो, जनकपुरधाम । गत धनुषाको तिनकौरियाचौकबाट १८ महिने बालक चोरी भएको १२ दिनपछि बालक सकुशल भेटिएको छ । 

तिनकोरिया चोक निवासी कमलेश महतोका डेढ बर्षिय छोरा सिद्धांश महतो हराएपछि प्रहरीले तत्काल खोजी अभियान सुरु गरेको थियो । बालक हराएपछि धनुषाका एसपी र डिएसपी आफैँ फिल्डमा आएपनि फेला पार्न सकेको थिएनन् । 

सोमबार दिउँसो कमलेश महतोको घरदेखि करिब १०० मिटर आँपमको बगैँचामा कसैले बच्चालाई सकुशल छाडेर भागेको जनाइएको छ । बच्चा रोएपछि महतो दौडेका थिए । 

हराएको दिन धनुषा प्रहरीले डग टोली समेत परिचालन गरेको थियो । कुकुर भने बोर्डरतर्फ गएका थिए । त्यसपछि कसैले भारततर्फ लगेको अनुमान गरेपछि खोजबिन जारी राखेको थियो । 

आज तिनकोरिया बजार जाँदै गरेकी एक महिलाले आँप बगैँचामा केराको बोट नजिक रुँदै गरेका ती बालकलाई लिएर बजार गएपछि कमलेशका छोरा १२ दिनपछि भेटाएको खुलेको हो । 

बालक सकुशल रहेको स्थानीयहरुले जनाएको छ । बालकलाई कसले लगेको भनेर अझै धनुषा प्रहरी अनुसन्धानमा रहेको छ ।